وسكەمەن. 5 شىلدە. شىعىس ءوڭىرىنىڭ ءبىلىم بەرۋ جۇيەسىندە اپاتتىق مەكتەپتەر, ءۇش اۋىسىممەن وقىتۋ جانە مەكتەپكە دەيىنگى ءبىلىم بەرۋ ماسەلەلەرى شەشىلۋدە. بيىل 18 مەكتەپتى پايدالانۋعا ەنگىزۋ جوسپارلانسا, ونىڭ 11-ءى اپاتتىق مەكتەپتەردىڭ ورنىن الماستىرماق. اتالعان ماسەلە ءوڭىر باسشىسى دانيال احمەتوۆتىڭ قاتىسۋىمەن وتكەن وبلىستىق ءماسليحاتتىڭ كەزەكتى ححIX سەسسياسىندا ايتىلدى. بۇل تۋرالى egemen.kz حابارلادى. ۇلتتىق قور ەسەبىنەن ءۇش مەكتەپ پەن بالاباقشانىڭ قۇرىلىسى باستالادى. زىريان, بەسقاراعاي, كۇرشىم, كاتونقاراعاي, ۇلان جانە كوكپەكتى اۋداندارىنداعى اۋىلدىق جەرلەردە وقۋشىلار ورنىنىڭ بارىنشا كوپتىگى بايقالادى. كەرىسىنشە, مەكتەپكە دەيىنگى بالالار مەكەمەلەرىندە 25 مىڭعا جۋىق ورىن جەتىسپەيدى. ورىن جەتىسپەۋشىلىگىن قىسقارتۋ ءۇشىن جىل سوڭىنا دەيىن بيۋدجەت قاراجاتى ەسەبىنەن 5, جەكەمەنشىك – 15, مەملەكەتتىك-جەكەمەنشىك ارىپتەستىك شەڭبەرىندە 11 بالاباقشانىڭ قۇرىلىسى جوسپارلانۋدا.
«مەن شاعىن كومپلەكتىلى مەكتەپتەردى جابۋدى قۇپ كورمەيمىن. سەبەبى, ول جەردە دە ءومىر بار. بۇگىن مەكتەپ جابىلسا, ەرتەن اۋىل قۇريدى. سونى ويلاۋ كەرەك. سودان كەيىن سەمەيدە «جاس ۇلان» ەر بالالار ارنايى مەكتەپ ليتسەيى, شاكەرىم گيمنازيالارى بار. بارلىق جاعداي جاسالعان. الايدا, ۇبت بويىنشا بالدارى وتە تومەن. جىل سايىن قارجى بولەمىز, ال ءبىلىم ساپاسى جاقسارمايدى. نەگە؟ مىسالى, قازاق ءتىلىن تەرەڭدەتىپ وقىتاتىن مەكتەپتەر بار, ال ولاردىڭ بالالارى قازاقشا دۇرىس بىلمەيدى. بۇل ماسەلە اعىلشىن, نەمىس, فرانتسۋز تىلدەرىن تەرەڭدەتىپ وقىتاتىن مەكتەپتەرگە دە قاتىستى. ءبىلىم باسقارماسى جۇمىسىن دۇرىس اتقارسا, بۇلاي بولماس ەدى», – دەدى دانيال احمەتوۆ.
وبلىس اكىمى اتالعان ماسەلە بويىنشا كوميسسيا قۇرۋدى تاپسىردى.
دۋمان اناش.
دەرەك, سۋرەت: egemen.kz.