2017 جىلى – «الاش» ۇلت-ازاتتىق قوزعالىسىنىڭ 100 جىلدىعى, ال ودان ءبىر جىل بۇرىن, ياعني 2016 جىلى سول قوزعالىستىڭ نەگىزىن قالاۋشى جانە جەتەكشىسى, الاشوردا ۇكىمەتىنىڭ توراعاسى ءاليحان بوكەيحاننىڭ تۋعانىنا 150 جىل تولادى.
«الاش» ۇلت-ازاتتىق قوزعالىسىنىڭ قىزمەتى, جالپى الاش يدەياسى – قازاق قوعامىن ەۋروپالىق جولمەن جاڭعىرتۋدى باستى باعىتتارىنىڭ ءبىرى رەتىندە ۇستانعانىن, سول زامانداعى ناقتى جاعدايلارعا بەيىمدەپ, ۇلتتىق مەملەكەتتىلىكتى قالىپتاستىرۋعا ۇمتىلعانىن جۇرتشىلىق بايىپتاپ كەلەدى.
پاريجدەگى يۋنەسكو اتقارۋشى كەڭەسىنىڭ بيىلعى جىلى قاراشا ايىنا بەلگىلەنگەن وسى ۇيىمنىڭ باس كونفەرەنتسياسىندا قابىلداۋ ءۇشىن جىبەرگەن ۇسىنىستارىنىڭ ىشىندە 2016 جىلى قوعام جانە مەملەكەت قايراتكەرى ءاليحان بوكەيحاننىڭ 150 جىلدىعىن يۋنەسكو كولەمىندە اتاپ ءوتۋ جايى قاراستىرىپ وتىرىلعانى وسىنىڭ ايعاعى.
بۇل – الاش مۇراسىن الەمدىك دەڭگەيگە شىعارىپ ناسيحاتتاۋدىڭ تاپتىرمايتىن مۇمكىندىگى تۋىپ تۇر دەگەن ءسوز. مۇنىڭ ماڭىزى پرەزيدەنتىمىز ن.ءا.نازارباەۆتىڭ باستاماسىمەن قازاق حاندىعىنىڭ 550 جىلدىعى اتالىپ وتكەن تۇستا ءتىپتى ەسەلەپ ارتا تۇسەدى. ەلباسى جاريا ەتكەن «ماڭگىلىك ەل» مۇراتى دا الاش جولىن ەلىمىزدە دە, حالىقارالىق دەڭگەيدە دە زەردەلەي تۇسسەك, باياندى بولاتىنى كۇمانسىز. ەلباسى ءوزىنىڭ «تاريح تولقىنىندا» اتتى ەڭبەگىنىڭ «الاش مۇراسى جانە وسى زامان» اتتى تاراۋىندا: «حح عاسىردىڭ باسىنداعى قازاق قوعامىندا زيالى قاۋىم قالىپتاسۋىنىڭ ۇرپاقتار ەستافەتاسى سياقتى سيپاتى بولعانىن اتاپ ايتقان ابزال», دەپ كورسەتكەن بولاتىن.
سوندىقتان دا «اق جول» پارتياسى ءاليحان بوكەيحاننىڭ 150 جىلدىعىن لايىقتى دەڭگەيدە وتكىزۋ جونىندەگى مەملەكەتتىك كوميسسيا قۇرۋ قاجەت دەپ سانايدى. ونىڭ نەگىزگى ماقساتى ءجاي عانا توي تويلاۋمەن ەمەس, وي ويلاۋمەن, ارتىنان ءىز قالاتىن, تانىمدىق, تاعىلىمدىق تۇرعىدان ۇلتىمىزدىڭ, مەملەكەتىمىزدىڭ رۋحىن كوتەرەتىن, قوعامدىق سانادا سىلكىنىس تۋعىزاتىن مازمۇندى شارالاردى ىسكە اسىرۋدى قامتاماسىز ەتۋ بولۋى ءتيىس.
ازات پەرۋاشەۆ,
ءماجىلىس دەپۋتاتى.