اسكەري ميسسيانىڭ مەرزىمى ۇزارتىلدى
اقش پرەزيدەنتى باراك وباما اق ۇيدە سويلەگەن سوزىندە امەريكالىق 9,8 مىڭ اسكەري قىزمەتشى اۋعانستاندا كەلەسى جىلدىڭ سوڭىنا دەيىن قالاتىنىن اتاپ ءوتتى. اقش اسكەرلەرى اۋعانستاننان بيىلعى جىلى بىرتىندەپ شىعارىلۋى ءتيىس بولاتىن.
باراك وباما, سونداي-اق, اقش اسكەرلەرىنىڭ اۋعانستانداعى ميسسياسى وزگەرمەيتىنىن جانە ولار اۋعان اسكەرىنىڭ تەرروريزمگە قارسى كۇرەس جۇرگىزۋىنە كومەكتەسە بەرەتىنىن مالىمدەدى. بۇعان قوسا ول ءوزىنىڭ پرەزيدەنتتىك مەرزىمى اياقتالعانعا دەيىن اقش بۇل ەلدە 5,5 مىڭداي اسكەر ۇستايتىنىن دا جەتكىزدى. امەريكالىق اسكەريلەر كابۋل قالاسىنىڭ سولتۇستىگىندەگى باگرام بازاسىندا, ەلدىڭ وڭتۇستىگىندەگى جالالاباد قالاسىندا جانە وڭتۇستىكتەگى كانداگار اۋدانىندا ورنالاسقان. اقش اسكەريلەرى نەگىزىنەن اۋعان اسكەرلەرىن بۇگىندە ىقپالى ارتىپ بارا جاتقان «تاليبان», «ءال-كايدا», «يسلام مەملەكەتى» ەكسترەميستىك ۇيىمدارىمەن كۇرەسكە دايىندايدى. پرەزيدەنتتىڭ ايتۋىنشا, اسكەردى قالدىرا تۇرۋ شەشىمى ۇلتتىق قاۋىپسىزدىك سالاسىنا قاتىستى ساراپشىلارمەن جانە اۋعانستان بيلىگى وكىلدەرىمەن كەزدەسە وتىرىپ قابىلدانعان.
قاۋىپسىزدىك كەڭەسىنە ۋاقىتشا مۇشە بولدى
ۋكراينا, ەگيپەت, جاپونيا, سەنەگال جانە ۋرۋگۆاي مەملەكەتتەرى بۇۇ-نىڭ ون بەس ەلدەن تۇراتىن قاۋىپسىزدىك كەڭەسىنە ۋاقىتشا ەكى جىلعى مۇشە بولىپ سايلاندى. بۇل ەلدەردىڭ ەشقايسىسىنا باسەكەلەستەر بولعان جوق.
ۋكراينا قاۋىپسىزدىك كەڭەسىندە شىعىس ەۋروپا ەلدەرىنىڭ اتىنان سويلەيتىن بولادى. وسى مەملەكەتتەرگە بەرىلگەن ەكى جىلدىق ماندات 2016 جىلدىڭ 1 قاڭتارىنان باستالادى. ولار قاۋىپسىزدىك كەڭەسىندەگى مانداتى اياقتالاتىن ليتۆا, يوردانيا, نيگەريا, چاد جانە ءچيليدى الماستىرادى. بۇۇ-نىڭ قاۋىپسىزدىك كەڭەسى ۆەتو قويۋ قۇقىعى بار بەس ەلدەن جانە ون ءتورت تۇراقتى ەمەس مۇشە ەلدەردەن تۇرادى. ۆەتو قويۋعا قۇقىلى مەملەكەتتەر – اقش, قىتاي, رەسەي, ۇلىبريتانيا جانە فرانتسيا.
حاكەرلىك شابۋىلى ءۇشىن ايىپتالدى
مالايزيا بيلىگى اقش ادىلەت مينيسترلىگىنىڭ سۇراۋ سالۋى بويىنشا كوسوۆو ازاماتى ارديد فەريزيدى ۇستاپ بەردى. ول امەريكالىق اسكەري قىزمەتشىلەر تۋرالى مالىمەتتەردى «يسلام مەملەكەتى» تەرروريستىك توپتارىنا بەرۋ ماقساتىندا حاكەرلىك شابۋىلدار جاسادى دەپ ايىپتالىپ وتىر.
مالايزيا پوليتسياسىنىڭ باسشىسى حاليد ءابۋ باكاردىڭ ايتۋىنشا, 20 جاستاعى ارديد فەريزي 15 قازان كۇنى كۋالا-لۋمپۋردا تۇتقىندالعان. قۇقىق قورعاۋ ورگاندارىنىڭ مالىمەتتەرىنە قاراعاندا, كوسوۆولىق ازامات سيرياداعى «يسلام مەملەكەتىنىڭ» جەتەكشىلەرىمەن بايلانىستى بولعان. ال اقش-تىڭ ادىلەت مينيسترلىگى فەريزيدى كوسوۆولىق حاكەرلەر توبىنىڭ جولكورسەتۋشىسى دەپ سانايدى. ول اقش-تا ورنالاسقان كومپانيالاردىڭ كومپيۋتەرلىك جۇيەلەرىن بۇزىپ, 1351 ادامنىڭ جەكە اقپاراتتارىن ۇرلاعان سياقتى. ولاردىڭ ىشىندە امەريكالىق مەملەكەتتىك قىزمەتشىلەر مەن اسكەريلەر دە بار.
بۇرىنعى پرەمەر-مينيستر قاماۋعا الىندى
مولدوۆادا ەلدىڭ بۇرىنعى پرەمەر-ءمينيسترى, قازىرگى كەزدە جەرگىلىكتى پارلامەنتتىڭ دەپۋتاتى ۆلاد فيلات قارجى ۇرلىعىنا قاتىسى بار دەگەن كۇدىكپەن ءۇش تاۋلىككە قاماۋعا الىندى. بۇل تۋرالى «ينتەرفاكس» اگەنتتىگى حابارلادى.
سىبايلاس جەمقورلىقپەن كۇرەس جونىندەگى ۇلتتىق ورتالىعى ءباسپاسوز قىزمەتىنىڭ اقپاراتىنا قاراعاندا, دەپۋتاتتى باس پروكۋراتۋرانىڭ وردەرى نەگىزىندە پارلامەنت عيماراتىندا ۇستاعان. وعان بانك جۇيەسىنەن سىبايلاسۋ ارقىلى اقشا شىعاردى دەگەن ايىپ تاعىلىپ وتىر. ۆ.فيلاتتىڭ ۇستالۋىنا بايلانىستى مينيسترلەر كابينەتىنىڭ توراعاسى ۆالەري سترەلەتس تۇسىنىك بەرۋگە ءماجبۇر بولدى. سەبەبى, بۇل ەكەۋى ليبەرال-دەموكراتيالىق پارتياسىنىڭ مۇشەسى بولىپ تابىلادى. ۆ.سترەلەتس وسى ماسەلەگە بايلانىستى ءوزىنىڭ وتستاۆكاعا كەتپەيتىنىن, ال پارتيالاس سەرىگى ءوزىنىڭ كىناسىزدىگىن دالەلدەپ شىعۋعا سەنىمدى ەكەنىن اتاپ وتكەن.
ساياسي ۇدەرىستەردى باستاۋعا شاقىردى
[caption id="attachment_2926" align="alignleft" width="560"] Mideast Syria[/caption]
فرانتسيا پرەزيدەنتى فرانسۋا وللاند سيريا جانجالىنا رەسەيدىڭ ارالاسۋى باشار اسادتىڭ پرەزيدەنتتىك قىزمەتتە قالۋىنا كومەكتەسە المايدى, دەپ مالىمدەگەن. ول مۇنى بريۋسسەلدە ەۋروپالىق وداق ءسامميتىنىڭ قورىتىندىسىندا ايتقان.
«رەسەي بەلگىلى ءبىر ۋاقىتقا دەيىن بيلەۋشى رەجىمگە قولداۋ كورسەتە الادى, بىراق, سيريادا اسادتىڭ ساياسي بولاشاعى جوق», – دەپ اتاپ وتكەن ف.وللاند. سونىمەن قاتار, ول رەسمي داماسك وكىلدەرىنىڭ قاتىسۋىمەن اراب رەسپۋبليكاسىنىڭ جاڭا باسشىسىن سايلاۋ بويىنشا ساياسي ۇدەرىستەردى باستاۋعا شاقىردى. فرانتسيا باسشىسى, سونداي-اق, سيرياعا قاتىستى ديپلوماتيالىق ءىس-ارەكەتتى ۇيلەستىرۋدى فرانتسيا, ۇلىبريتانيا جانە گەرمانيا وزدەرىنە الاتىندىعىن اتاعان.
قىسقا قايىرىپ ايتقاندا:
* پالەستينالىقتار يوردان وزەنىنىڭ باتىس جاعالاۋىندا ەۆرەي حرامىن ورتەگەن. وقيعا پالەستينا حالقى مەن يزرايل قاۋىپسىزدىك كۇشتەرى اراسىنداعى جانجالدىڭ قىزعان شاعىندا بولىپ وتىر.
* قىرعىزستاننىڭ بىشكەك ماڭىنداعى دوردوي اۋدانى اۋماعىندا شۋ وبلىسىنداعى تۇرمەدەن قاشقان قىلمىسكەرلەردىڭ ءبىرى – ازامات مۇسۋراليەۆتىڭ كوزى جويىلدى.
*اۆستراليانىڭ كەدەن قىزمەتى جالپى سالماعى 70 توننانى قۇرايتىن كونتراباندالىق تەمەكى شيكىزاتىن تاركىلەدى. تاركىلەنگەن تاۋار شامامەن 30 ميلليون دوللارعا باعالانادى ەكەن.
* نيگەريانىڭ مايداگۋري قالاسىنداعى مەشىتتە بولعان ەكى جارىلىستان 40-تان استام ادام قۇربان بولدى. جارىلىستى تەرروريست-جانكەشتى جۇزەگە اسىرعان.
ينتەرنەت ماتەريالدارى نەگىزىندە ازىرلەندى.