حالىقارالىق قۇجاتتار ساپاسى سارالاندى

پارلامەنت سەناتى حالىقارالىق قاتىناستار, قور­عانىس جانە قاۋىپسىزدىك كوميتەتىنىڭ كەڭەيتىلگەن وتىرى­سىندا «قازاقستان رەسپۋبليكاسى مەن قىرعىز رەسپۋب­ليكاسى اراسىنداعى شەكارا اۋدانىنداعى سەنىم شارالارى جونىندەگى كەلىسىمدى راتيفيكاتسيالاۋ تۋرالى» زاڭ جوباسى قارالدى, دەپ حابارلادى پالاتانىڭ ءباسپاسوز قىزمەتى.

كەلىسىمنىڭ ماقساتى تاتۋ كور­­شىلىك پەن دوستىق قاتى­ناس­تار­دى دامىتۋ, ۇزاق مەرزىمدى تۇراق­تىلىق جاعدايىن ساقتاۋ, مەملە­كەتتىك شەكارا اۋدانىنداعى ءوزارا سەنىمدى نىعايتۋ بولىپ تابىلادى.

بەلگىلەنگەن ماقساتتارعا قول جەتكىزۋ ءۇشىن تاراپتار قاجەتتى اقپارات الماسۋ ءتارتىبى تۋرالى, باسقا تاراپقا سۇراۋ سالۋ مەن ءوتىنىش جاساۋ ءتارتىبى تۋرالى, سونداي-اق, مەملەكەتتىك شەكارا اۋدانىندا الۋان ءتۇرلى قاۋىپتەردىڭ تۋىنداۋىن بولدىرماۋ جانە كەلىسىمدە كوزدەلگەن وزگە دە شارالاردى قولدانۋ تۋرالى ۋاعدالاستى. كوميتەت وتىرىسىندا «قازاق­ستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى شەكارا وكىلدەرىنىڭ قىزمەتى تۋرالى كەلىسىمدى راتيفيكاتسيالاۋ تۋرالى» زاڭ جوباسى دا قارالدى. تاتۋ كورشىلىك قاتىناستاردى دامىتۋ جانە قازاقستان-قىر­عىز­ستان مەملەكەتتىك شەكارا­سى­­نىڭ رەجىمىن قامتاماسىز ەتۋ ءجو­­نىندەگى ىنتىماقتاستىقتى قول­­داۋ ماق­ساتىندا, سونداي-اق, شەك­اراداعى توسىن وقيعالاردىڭ ال­دىن الۋ ماسە­لەلەرىنە قازا­ق­ستان رەس­پۋبلي­كاسى مەن قىرعىز رەسپۋب­ليكاسى شەكارا وكىلدەرىنىڭ قاتىسۋى ءۇشىن تا­راپتار 2001 جىلى 15 جەلتوقساندا كەلىسىمگە قول قويدى. وندا شەكارا وكىلدەرى مەن ولاردىڭ ورىنباسارلارىن تا­عايىنداۋ ءتارتىبى ايقىندالعان, ولار ءوز مىندەتتەرىن ءبىر-بىرىمەن ىن­تىماقتاستىقتا, سونداي-اق, ءوز مەم­لەكەتتەرىنىڭ ۇلتتىق زاڭناماسىنا جانە تاراپتار قاتىسۋشىلارى بولىپ تابىلاتىن حالىقارالىق شارتتارعا سايكەس ورىندايدى. كوميتەتتە «قازاقستان رەس­پۋب­ليكاسىنىڭ بىتىمگەرشىلىك قىز­مەتى تۋرالى» زاڭ جوباسى دا قارالدى. زاڭ جوباسىنىڭ ماقساتى قازاقستان رەسپۋبليكاسى قابىلداعان حالىقارالىق مىندەت­تەمەلەرگە سايكەس قازاق­ستان رەسپۋبليكاسى ۇلتتىق كون­تين­گەنتىنىڭ بەيبىتشىلىك پەن قاۋىپ­سىزدىكتى قولداۋ جونىندەگى وپەرا­تسيالارعا (ميسسيالارعا) قاتىسۋ پروتسەسىن رەتتەۋگە باعىتتالعان قۇقىقتىق نەگىزىن قۇرۋ بولىپ تابىلادى. زاڭ جوباسىنىڭ نەگىزگى ەرە­جەلەرى زاڭنىڭ قولدانىلۋ سالاسىن, قازاقستان رەسپۋبليكاسى بىتىمگەرشىلىك قىزمەتىنىڭ قاعي­داتتارىن, ماقساتتارىن, مىندەت­تەرىن جانە قارجىلاندىرۋ كوز­دە­رىن ايقىندايدى. زاڭ جوبا­سى­مەن ۇلتتىق كونتينگەنتتىڭ ­بىتىم­گەرشى­لىك وپەراتسياعا قاتى­سۋى تۋرا­لى شەشىم قابىل­داۋ ءتارتىبى جانە ۇلت­تىق كونتين­گەنتتىڭ ءبىتىم­گەر­شىلىك وپەراتسياعا قاتىسۋ­دى اياق­تاۋىنىڭ نەگىزدەرى رەگلامەنتتەلەدى. وتىرىستا «قازاقستان رەس­پۋب­ليكاسىنىڭ كەيبىر زاڭناما­لىق اكتىلەرىنە قازاقستان رەسپۋب­لي­كاسىنىڭ بىتىمگەرشىلىك قىزمەتى ماسەلەلەرى بويىنشا تولىقتى­رۋلار ەنگىزۋ تۋرالى» زاڭ جوباسى دا قارالدى. زاڭ جوباسى «قازاق­ستان رەسپۋبليكاسىنىڭ بىتىمگەر­شىلىك قىزمەتى تۋرالى» زاڭ جوبا­سىنىڭ ەرەجەلەرىن ىسكە اسىرۋ ماق­ساتىندا ازىرلەنگەن جانە ەلى­مىزدىڭ بىرقاتار زاڭنامالىق اكتى­لەرىنە تولىقتىرۋ ەنگىزۋدى كوزدەيدى.