پارلامەنت سەناتى قارجى جانە بيۋدجەت كوميتەتىنىڭ توراعاسى راشيت احمەتوۆ حالىقارالىق ۆاليۋتا قورى ميسسياسىنىڭ وكىلدەرىمەن كەزدەستى. جۇزدەسۋشىلەر قازاقستان رەسپۋبليكاسى ۇكىمەتىنىڭ ەكونوميكا ساياساتىنىڭ باسىمدىقتارىن تالقىلادى.
ر.احمەتوۆ ميسسيا وكىلدەرىن قازاقستاندى دامۋدىڭ جاڭا ساتىسىنا شىعارۋعا جانە الەمنىڭ ەڭ دامىعان مەملەكەتتەرىنىڭ قاتارىنا ەنۋىنە مۇمكىندىك بەرەتىن بەس ينستيتۋتتىق رەفورما – ۇلت جوسپارى, «نۇرلى جول» جاڭا ەكونوميكالىق ساياساتى تۋرالى حاباردار ەتتى.
حالىقارالىق ۆاليۋتا قورى ميسسياسىنىڭ باسشىسى حوسسەين سامي قازاقستان رەسپۋبليكاسىنداعى قازىرگى ەكونوميكالىق جاعدايعا باعا بەردى.
كەزدەسۋ بارىسىندا, سونداي-اق, اقشا-نەسيە ساياساتى, بانك سەكتورى, شاعىن جانە ورتا بيزنەستى دامىتۋ ماسەلەلەرى بويىنشا پىكىر الماسىلدى. سونىمەن قاتار, قازاقستاننىڭ ەۋرازيالىق ەكونوميكالىق وداققا مۇشە بولۋى مەن ەلىمىزدىڭ حالىقارالىق قارجى ۇيىمدارىمەن جانە حالىقارالىق ۆاليۋتا قورىمەن ىنتىماقتاستىعى ماسەلەسى دە تالقىلاندى, دەپ حابارلادى پارلامەنت سەناتىنىڭ ءباسپاسوز قىزمەتى.