مەملەكەت باسشىسى نۇرسۇلتان نازارباەۆ بۇۇ باس حاتشىسى پان گي مۋنمەن تەلەفون ارقىلى سويلەستى, دەپ حابارلادى پرەزيدەنتتىڭ ءباسپاسوز قىزمەتى.
تەلەفون ارقىلى سويلەسۋگە بۇۇ باس حاتشىسىنىڭ كەڭسەسى باستاماشىلىق ەتتى.
تاراپتار قازاقستان مەن ۇيىم اراسىنداعى ەكىجاقتى ءوزارا ءىس-قيمىلدىڭ احۋالى مەن بولاشاعىن تالقىلادى.
مەملەكەت باسشىسى ۇيىمنىڭ بەيبىتشىلىك پەن قاۋىپسىزدىكتى, ورنىقتى دامۋدى جانە حالىقارالىق قوعامداستىق مۇشەلەرى اراسىنداعى ىنتىماقتاستىقتى قامتاماسىز ەتۋدەگى جەتەكشى ءرولىن اتاپ ايتتى, سونداي-اق, ەلىمىزدىڭ بۇۇ مىندەتتەرى مەن ماقساتتارىنا ادال ەكەنىنە سەندىردى.
پان گي مۋن قازاقستاننىڭ حالىقارالىق ساياساتتىڭ كۇن تارتىبىندەگى وزەكتى ماسەلەلەردى قاراستىرۋ جانە شەشۋگە قوسىپ وتىرعان ۇلەسىن جوعارى باعالادى.