ماڭعىستاۋدا رەسپۋبليكالىق سۋرەتشىلەر بايقاۋى ءوتتى

اقتاۋ. 22 مامىر. ماڭعىستاۋدا رەسپۋبليكالىق «كاسپي كوكجيەگى» اتتى سۋرەتشىلەردىڭ پلەنەر بايقاۋى ءوتتى. بۇل تۋرالى egemen.kz ءتىلشىسى حابارلادى. ماڭعىستاۋ وبلىستىق مادەنيەت باسقارماسى ۇيىمداستىرعان بايقاۋ قازاق حاندىعىنىڭ 550 جىلدىعىنا ارنالدى. وعان استانا, الماتى, شىمكەنت, تاراز جانە اقتاۋ قالالارىنان 15 سۋرەتشى قاتىستى. بايقاۋ قورىتىندىسى بويىنشا باس جۇلدە الماتىلىق سۋرەتشى قابوكە ورالبەككە بۇيىردى. سوعان سايكەس ول 200 مىڭ تەڭگە اقشالاي سىياقىنى يەمدەندى. ءبىرىنشى ورىن (150 مىڭ تەڭگە) استانالىق اسەمكۋل بەيبىتكە, ارقايسىسىنىڭ جۇلدە قورى 100 مىڭ تەڭگەلىك ەكى ەكىنشى ورىن الماتى قالاسىنان كەلگەن باقىت سەيسەنحان ۇلى مەن تارازدىق داستان ورازاحانوۆقا بۇيىردى. قازىلار القاسىنىڭ شەشىمىمەن, جەكە جۇلدە قورلارى 80 مىڭ تەڭگەنى قۇرايتىن ءۇش ءۇشىنشى ورىننىڭ يەگەرلەرى الماتىلىقتار تسوي سۆەتلانا مەن الماس نۇرعوجاەۆ, سونداي-اق, جاڭاوزەندىك سۋرەتشى اسىلبەك ەزدجانوۆ بولىپ تانىلدى. سونىمەن قاتار, 50 مىڭ تەڭگەدەن سىياقى تاعايىندالعان «ۇزدىك شىعارما» نوميناتسياسىنا استانا قالاسىنان كەلگەن جەڭىس مولدابەكوۆ, شىمكەنتتىك شەبەر مامبەت ۋاليەۆ, الماتى قالاسىنىڭ سۋرەتشىسى ەرجان تاناەۆ جانە استانالىق باقىتجان اريپوۆ يە بولدى. سونداي-اق, ىنتالاندىرۋ سىيلىعى (20 مىڭ تەڭگە) مەيىرجان ەسەنوۆ, بەرىك سارسەنباەۆ, جانسايا كيىكباي, جانسايا كەنجەعالي سەكىلدى اقتاۋلىق 4 سۋرەتشىگە بەرىلدى. گۇلايىم شىنتەمىرقىزى. دەرەك, سۋرەت: egemen.kz.