پەتروپاۆل. 22 مامىر. وبلىس ورتالىعىندا «بالاباقشا-مەكتەپ-كوللەدج-جوعارعى وقۋ ورنى» جۇيەسىندە قازاق ءتىلىن ۇزدىكسىز دەڭگەيلەپ وقىتۋدىڭ جاڭا مودەلى» اتتى رەسپۋبليكالىق عىلىمي-تاجىريبەلىك كونفەرەنتسيا ەكى كۇنگە جالعاسىپ, ەلىمىزدىڭ ءار تۇكپىرىنەن 500-دەن استام قازاق ءتىلى مەن ادەبيەتى ءپانى مۇعالىمدەرى جينالدى. بۇل تۋرالى وبلىستىق ءبىلىم باسقارماسىنىڭ ماماندارى حابارلادى.
القالى باسقوسۋ م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىندە سالتاناتتى جاعدايدا اشىلىپ, وبلىس اكىمىنىڭ ورىنباسارى انارحان دۇيسەنوۆا قاتىسۋشىلاردى قۇتتىقتادى.
ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتىنىڭ باس ساراپشىسى روزا باتتال ءوز سوزىندە قازاق ءتىلى مەن ادەبيەتىن وقىتۋدىڭ ساپاسىن ارتتىرۋدىڭ ماڭىزدى ماسەلەلەرىن ورتاعا سالا كەلىپ, رەسپۋبليكالىق عىلىمي-تاجىريبەلىك كونفەرەنتسياسىنىڭ باستى ماقساتى وقىتۋشىلاردى ءبىلىم بەرۋدەگى جاڭالىقتارمەن تانىستىرۋدى, قازاق ءتىلىن ۇزدىكسىز وقىتۋ ستاندارتىنىڭ بىرەگەي جۇيەسىن قالىپتاستىرۋدى دىتتەيتىنىن جەتكىزدى.
اباي اتىنداعى ۇلتتىق پەداگوگيكالىق ۋنيۆەرسيتەتىنىڭ پروفەسسورى, پەداگوگيكا عىلىمدارىنىڭ دوكتورى فاۋزيا ورازباەۆانىڭ, ل. گۋميلەۆ اتىنداعى ەۋرازيالىق ۇلتتىق ۋنيۆەرسيتەتى قازاق ادەبيەتى كافەدراسىنىڭ پروفەسسورى ساعىمباي جۇماعۇلوۆتىڭ, سقمۋ جانىنداعى تىلدەر ينستيتۋتىنىڭ ديرەكتورى جانار تالاسپاەۆانىڭ, الماتى قالاسىنداعى ا. روزيباقيەۆ اتىنداعى مەكتەپ-گيمنازيانىڭ قازاق ءتىلى مەن ادەبيەتى ءپانىنىڭ مۇعالىمى گۇلنار ءماسىموۆانىڭ, قاراعاندى قالاسى ءبىلىم ءبولىمىنىڭ قازاق ءتىلى مەن ادەبيەتى ءپانىنىڭ ادىسكەرى گۇلزات ايماعانبەتوۆانىڭ, باتىس قازاقستان وبلىسى اقجايىق اۋدانى ق. بايسىقوۆ اتىنداعى مەكتەپتىڭ ورىس سىنىپتارىنداعى قازاق ءتىلى مەن ادەبيەتى ءپانىنىڭ مۇعالىمى باعداگۇل ءىزباساروۆانىڭ, تاعى باسقالارىنىڭ باياندامالارى تىڭدالىپ, ترەنينگتەر, سەكتسيالىق ماجىلىستەر, شەبەرلىك سىنىپتارى, كوۋچينگتەر ءوتتى.
بۇگىندە قازاقستاندا قازاق بالالارىنىڭ 87 پايىزى انا تىلىندە, وزگە ۇلتتاردىڭ 36 مىڭداي بالالارى مەملەكەتتىك تىلدە ءبىلىم الادى.
ءومىر ەسقالي.
دەرەك: سولتۇستىك قازاقستان وبلىستىق ءبىلىم باسقارماسى.
سۋرەت: egemen.kz