پەتروپاۆل. 22 مامىر. وبلىس اكىمى ەرىك سۇلتانوۆتىڭ قاتىسۋىمەن بالالار مەن جاسوسپىرىمدەر شىعارماشىلىق ورتالىعىندا مادەنيەت جانە ونەر قىزمەتكەرلەرىنىڭ كۇنى سالتاناتتى جاعدايدا مەرەكەلەندى. بۇل تۋرالى اكىمدىكتىڭ ءباسپاسوز قىزمەتى حابارلادى.
بۇگىندە وڭىردە 3 تەاتر, 237 كلۋب, 312 كىتاپحانا, 12 مۇراجاي قۇرامىندا 2 مىڭعا جۋىق مادەنيەت جانە ونەر قىزمەتكەرلەرى جۇمىس ىستەپ, رۋحاني سالاعا قالتقىسىز قىزمەت ەتىپ كەلەدى. ەرىك حامزا ۇلى ولاردى كاسىپتىك مەرەكەمەن قۇتتىقتاپ, شىعارماشىلىق شابىت, ەڭبەكتە تابىس تىلەدى.
ءبىر توپ ونەر يەلەرى ءتۇرلى ماراپاتتاۋلارعا يە بولدى. اتاپ ايتقاندا, جەتى ادامعا مادەنيەت جانە سپورت مينيسترلىگىنىڭ «مادەنيەت سالاسىنىڭ ۇزدىگى» توسبەلگىسى, 23 ادامعا قۇرمەت گراموتاسى, 10 ادامعا ايماق باسشىسىنىڭ العىس حاتتارى مەن ماداق قاعازدارى تابىس ەتىلدى.
رەسمي ءبولىم اياقتالعاننان كەيىن جۇرتشىلىق جەرگىلىكتى ونەرپازداردىڭ كونتسەرتىن تاماشالادى. وسى مەرەكەگە ارنايى كەلگەن حالىقارالىق كونكۋرستاردىڭ لاۋرەاتتارى ولەگ روماشين مەن ۆلاديمير روديونوۆتىڭ تامىلجىتا سلعان اندەرى قۇلاق قۇرىشىن قاندىردى.
ءومىر ەسقالي.
دەرەك, سۋرەت: سولتۇستىك قازاقستان وبلىسى اكىمدىگىنىڭ ءباسپاسوز قىزمەتى.