پاۆلودار. 22 مامىر. وبلىس ورتالىعىنداعى س. تورايعىروۆ اتىنداعى مەملەكەتتىك ۋنيۆەرسيتەتتىڭ ۆولونتەرلىق توپ مۇشەلەرى حالىقارالىق كورمەگە ارنالعان ترەنينگكە قاتىستى. بۇل تۋرالى egemen.kz ءتىلشىسى حابارلادى.
ترەنينگ الەۋمەتتىك-ۆولونتەرلىك ورتالىعىنىڭ «وبلىستىڭ قالالارى مەن اۋداندارىندا ۆولونتەرلىق جاساقتاردىڭ جۇمىسىن ۇيىمداستىرۋ جوباسىن ىسكە اسىرۋ شەڭبەرىندە ءوتتى. وندا ستۋدەنتتەر «تىزبەك», «كوپىر», «تامشى, وزەن, مۇحيت», «جول», «بەلگى», «قىرىقاياقتار جۇگىرىسى» سياقتى جاتتىعۋلارعا قاتىستى.
ۋنيۆەرسيتەتتە «ەكسپو – بولاشاقتىڭ ەنەرگياسى» حالىقارالىق كورمەسىنە ۆولونتەرلاردى دايىنداۋعا بايلانىستى قازاق جانە اعىلشىن تىلدەرىن وقىتۋ كۋرستارى باستالدى. حالىقارالىق كورمەگە ۆولونتەرلاردى دايىنداۋ ورتالىعى «مەن كىممىن؟», «سويلەمدى اياقتا» سياقتى ستۋدەنتتەردىڭ سوزدىك قورىن بايىتۋعا باعىتتالعان ويىندار ارقىلى «مەن – ۆولونتەر» جانە «ەكسپو تاريحى» تاقىرىپتارى بويىنشا اڭگىمەلەسۋ ساباقتارى بولدى. ستۋدەنتتەر ساباقتا ەكسپو تاريحىنا بايلانىستى ءوز ويلارىن ورتاعا سالدى.
فاريدا بىقاي.
دەرەك, سۋرەت: egemen.kz