اتىراۋ. 13 قازان. اتىراۋ وبلىسىنىڭ پوليتسەيلەرى «كونترافاكت» جەدەل الدىن الۋ شاراسىندا زاڭسىز ساۋدا اينالىمىنان DVD تۇرىندەگى ديسكىنى تاركىلەپ, زياتكەرلىك مەنشىك قۇقىعىن بۇزعان 8 فاكتىنى انىقتادى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
«شارا بارىسىندا پوليتسيا قىزمەتكەرلەرى جاسىرىن تۇردە پايدالانۋ ءۇشىن اۋديو-بەينە كامەراسى ورناتىلعان ساعات ساتىپ تۇرعان ازامات انىقتالدى. ونىڭ ۇستىنەن قىلمىستىق كودەكستىڭ 399-بابى بويىنشا قىلمىستىق ءىس كوتەرىلدى. سونىمەن قاتار, پورنوگرافيالىق بەلگىلەرى بار 12 فيلم جازىلعان 1 DVD ديسكىنى ساتىپ تۇرعان اتىراۋلىق تۇرعىننىڭ ۇستىنەن قىلمىستىق كودەكستىڭ 311-بابىمەن قىلمىستىق ءىس قوزعالدى. بۇدان بولەك 24 جاستاعى ازاماتتان 22 دانا كونترافاكتىلى ديسكىلەر تابىلدى. تاعى ءبىر ازامات ءدال سونداي 12 ديسكىنى ساۋدالاۋ كەزىندە تاركىلەندى. بۇلاردىڭ ۇستىنەن قىلمىستىق كودەكستىڭ 198-بابىمەن قىلمىستىق ءىس قوزعالىپ, ولاردىڭ كونترافاكتىلى ديسكىلەردى قايدان العانى تەكسەرىلۋدە. كريمينالدى پوليتسيانىڭ جەدەل قىزمەتكەرلەرى زياتكەرلىك مەنشىك قۇقىعىن بۇزعان 8 فاكتىنى انىقتادى. ولاردىڭ ىشىندە كونترافاكتىلى تاۋارلاردى زاڭسىز تاراتۋ, DVD ديسكىلەردى ساتۋ بويىنشا 20 اكىمشىلىك قۇقىق بۇزۋشىلىقتى انىقتاپ, زاڭسىز اينالىمنان 100-دەن استام DVD ديسكىنى تاركىلەدى», – دەپ حابارلادى وبلىستىق ىشكى ىستەر دەپارتامەنتىنىڭ ءباسپاسوز حاتشىسى گۇلنازيرا مۇحتاروۆا.
جولداسبەك شوپەعۇل.
دەرەك: اتىراۋ وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
سۋرەت: timeskz.kz.