تاراز. 16 قازان. جامبىل وبلىسىندا دانەكەرلەۋدە پايدالانىلاتىن جامىلعىسى بار قوسپا سىم شىعاراتىن زاۋىت ىسكە قوسىلدى. بۇل تۋرالى جامبىل وبلىسى اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
دانەكەرلەۋ جۇمىستارىندا كەڭ كولەمدە قولدانىلاتىن جامىلعىسى بار قوسپا سىم شىعاراتىن بۇل زاۋىت ازىرگە وڭتۇستىك وڭىردەگى جالعىز كاسىپورىن. قۇرىلىسى بيىلعى جىلدىڭ اقپان ايىندا باستالعان بولاتىن. جوبانىڭ قۋاتتىلىعى جىلىنا – 1200 توننا. قۇنى 70 ملن تەڭگەنى قۇرايدى.
ىسكە قوسىلعان زاۋىتتا قوسپا سىمنىڭ 2 ءتۇرى شىعارىلادى. ولار ءتۇرلى تەمىردەن جاسالعان بۇيىمداردى دانەكەرلەۋگە پايدالانىلادى. ءونىم وندىرۋگە قاجەتتى شيكىزاتتى كاسىپكەر قىتاي, رەسەي, ۋكراينادان تاسىمالداۋدا. اۆتوماتتى تۇردە جۇمىس ىستەيتىن قۇرىلعىلار قىتاي ەلىنەن اكەلىنگەن.
قازىر زاۋىتتا 20 جاڭا جۇمىس ورنى اشىلدى. ەڭبەككەرلەردىڭ ورتاشا جالاقىسى 70-80 مىڭ تەڭگە بولادى دەپ كۇتىلۋدە.
ورالحان ءداۋىت.
دەرەك, سۋرەت: egemen.kz.