پارلامەنت ءماجىلىسىنىڭ توراعاسى قابيبوللا جاقىپوۆتىڭ توراعالىعىمەن ءماجىلىس بيۋروسى ءوتىپ, الدا بولاتىن جالپى وتىرىستىڭ كۇن ءتارتىبى ناقتىلاندى, دەپ حابارلادى وسى پالاتانىڭ ءباسپاسوز قىزمەتى.
حالىق قالاۋلىلارى نازارىنا مۇگەدەكتەردىڭ قۇقىقتارىن قورعاۋ ماسەلەلەرى بويىنشا تۇزەتۋلەر ءبىرىنشى وقىلىمدا ۇسىنىلادى. سونداي-اق, پالاتا بىرقاتار راتيفيكاتسيالىق زاڭ جوبالارىن قارايدى. ولار: ەاەو تۋرالى شارتقا قىرعىز رەسپۋبليكاسىنىڭ قوسىلۋى تۋرالى شارتقا ارمەنيا رەسپۋبليكاسىنىڭ قوسىلۋى تۋرالى حاتتامانى جانە قىلمىستىق ىستەر بويىنشا ءوزارا كومەك تۋرالى امەريكاارالىق كونۆەنتسيانى راتيفيكاتسيالاۋ.
وسى كۇنى ماجىلىسمەندەر ەكولوگيالىق ماسەلەلەر بويىنشا تۇزەتۋلەرگە قاتىستى جانە قىلمىستىق جازانى شەتەلدە وتەۋ تۋرالى امەريكاارالىق كونۆەنتسيانى راتيفيكاتسيالاۋعا بايلانىستى جاڭا زاڭ جوبالارى بويىنشا بەيىندى كوميتەتتەرگە قورىتىندى ازىرلەۋ مەرزىمىن تاعايىنداماق.