استانا. 22 مامىر. قىتايلار جاساندى كۇرىش جاساپ شىعاردى. ەلدىڭ شانسي ايماعىنداعى بازارلاردا ساتىلىپ جاتقان كۇرىش كارتوپ پەن جاساندى رەزەڭكەدەن دايىندالعان. بۇل تۋرالى 24.kz حابارلادى.
جاي ادامدار ايىرا بەرمەيتىن ءونىم تازا تابيعي كۇرىشكە وتە قاتتى ۇقسايدى. دەگەنمەن, ماماندار بۇل سينتەتيكالىق ءونىمنىڭ ادام دەنساۋلىعى ءۇشىن اسا قاۋىپتى ەكەنىن ايتۋدا. سەبەبى, مۇنداي كۇرىشتى جەۋ پوليەتيلەن دوربانى جەگەنمەن بىردەي. ياعني, اسقازاندا قورىتىلمايدى. سونداي-اق, ونى سۋعا قايناتقان كەزدە كۇيگەن پلاستيكتىڭ ءيىسى شىعادى جانە جۇمسارمايدى.
قازىرگى تاڭدا جاساندى كۇرىشتىڭ تەك قىتايدا ەمەس, سونىمەن قاتار, ءۇندىستان, ۆەتنام جانە يندونەزيا نارىعىنا دا شىعارىلعانى بەلگىلى بولدى. الايدا, اتالعان ەلدەردىڭ رەسمي وكىلدەرى بۇل اقپارات تۋرالى ەشقانداي تۇسىنىكتەمە بەرگەن جوق.
ەلامان قوڭىر.
دەرەك, سۋرەت: 24.kz.