[caption id="attachment_2579" align="aligncenter" width="560"] ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/caption]
اقتوبە. 15 قازان. اقتوبە وبلىسىنىڭ اكىمى بەردىبەك ساپارباەۆ ورال قالاسىنداعى رەسەي فەدەراتسياسىنىڭ باس كونسۋلى سايد زابيتوۆپەن كەزدەستى. بۇل تۋرالى egemen.kz حابارلادى.
قوناقتى جىلى شىرايمەن قارسى العان اۋماق باسشىسى رەسەي فەدەراتسياسىمەن ءوزارا قارىم-قاتىناستىڭ اناعۇرلىم نىعايا تۇسكەنىن, اسىرەسە, شەكارالاس وڭىرلەرمەن الەۋمەتتىك-ەكونوميكالىق, مادەني جانە باسقا سالالاردا ىلگەرىلەۋ بار ەكەنىن اتاپ ءوتتى. بۇل ءوز كەزەگىندە جالپى قازاقستان مەن رەسەي اراسىنداعى قارىم-قاتىناستىڭ دامۋىنىڭ تيىمدىلىگى مەن سەرپىندىلىگىنىڭ بىردەن-ءبىر بەلگىسى بولىپ تابىلادى. وبلىستا ءاربىر ءۇشىنشى بىرلەسكەن كاسىپورىن رەسەي بيزنەسىنىڭ قاتىسۋىمەن قۇرىلعانىن اتاپ ءوتتى.
ءوز كەزەگىندە سايد زابيتوۆ رەسەي مەن قازاقستاننىڭ عاسىرلار بويى قالىپتاسقان ىنتىماقتاستىق بۇدان بىلاي دا نىعايا بەرەتىنىنە سەنىم ءبىلدىردى. سودان كەيىن باس كونسۋل اۋعان سوعىسىنا قاتىسقان وبلىس تۇرعىنى ارتىق ەلكەەۆكە جوعارى ناگرادا تاپسىردى. 1989 جىلى كسرو جوعارى كەڭەسى پرەزيدۋمىنىڭ جارلىعىمەن سول كەزدەگى نوۆورەسەي اۋدانى «قوپا» كەڭشارىنىڭ تۋماسى ارتىق ەلكەەۆ قىزىل جۇلدىز وردەنىمەن ماراپاتتالعان. مىنە, ارادا 26 جىل وتكەندە ناگرادا يەسىن تاپتى.
قازىرگى تاڭدا ەكىنشى توپتاعى مۇگەدەك ارتىق ەلكەەۆ وتباسىمەن وبلىس ورتالىعىندا تۇرادى. ءوڭىر باسشىسى دا جاۋىنگەردى لايىقتى ناگراداسىمەن قۇتتىقتاپ, وعان مىقتى دەنساۋلىق تىلەدى.
ساتىبالدى ءساۋىرباي.
دەرەك, سۋرەت: egemen.kz.
[caption id="attachment_2580" align="aligncenter" width="560"] ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟[/caption]