الماتى قالاسى اكىمدىگىنىڭ ءماجىلىس زالىندا مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتى جانىنداعى قوعامدىق كەڭەستىڭ ءماجىلىسى ءوتتى. بۇل باسقوسۋدا ۇستىمىزدەگى جىلدىڭ سەگىز ايىنىڭ قورىتىندىسى بويىنشا مەملەكەتتىك ورگاندارمەن مەملەكەتتىك قىزمەت ارقىلى كورسەتىلگەن ىشكى باقىلاۋ قىزمەتىنىڭ ناتيجەسى قارالدى. سونداي-اق, مەملەكەتتىك ورگانداردىڭ جاۋاپتى تۇلعالارى مەن باسشىلارىنىڭ سىبايلاس جەمقورلىققا قارسى قىزمەتى جونىندەگى جاسالعان شارالار تۋرالى باياندامالارى تىڭدالدى.
قازىرگى تاڭدا الماتى قالاسىندا 80-گە جۋىق مەملەكەتتىك ورگاندار حالىققا 148 قىزمەت ءتۇرىن كورسەتەدى. بۇل قىزمەتتەر مەملەكەتتىك قىزمەت تىزىلىمىندە بار. ۇستىمىزدەگى جىلدىڭ سەگىز ايىندا اكىمدىك تاراپىنان كورسەتىلگەن مەملەكەتتىك قىزمەتتەردىڭ جالپى سانى 7 155 020 قۇراسا, ونىڭ ىشىندە 6 430 096 قىزمەت مەملەكەتتىك ورگاندار ارقىلى قاعاز جۇزىندە, 155 558 قىزمەت حالىققا قىزمەت كورسەتۋ ورتالىعى ارقىلى, 31 975 قىزمەت ەلەكتروندى تۇردە كورسەتىلگەن.
جەرگىلىكتى اتقارۋشى ورگانداردا سۇرانىسقا يە دەنساۋلىق ساقتاۋ سالاسى, حالىقتى الەۋمەتتىك قورعاۋ, ءبىلىم بەرۋ مەن جىلجىمايتىن م ۇلىك نىساندارىنداعى قىزمەتتەر بولىپ تابىلادى. اۋماقتىق بولىمشەلەردىڭ اراسىندا مەملەكەتتىك كىرىس, ىشكى ىستەر جانە ادىلەت دەپارتامەنتتەرىنىڭ قىزمەتتەرى كورسەتىلەدى.
مەملەكەتتىك قىزمەت ستاندارتتارىمەن رەگلامەنتتەرىن بەكىتۋ مونيتورينگىنە سايكەس ەسەپتىك كەزەڭدە سالالىق مينيسترلىكتەردەن 156 مەملەكەتتىك قىزمەت تۇرلەرى بەكىتىلىپ, 146 مەملەكەتتىك قىزمەت كورسەتىلدى. وسى ستاندارتتاردىڭ نەگىزىندە الماتى قالاسىنىڭ اكىمدىگى 50 مەملەكەتتىك قىزمەت رەگلامەنتىن بەكىتتى.
مەملەكەتتىك قىزمەت كورسەتۋدىڭ ساپاسىن باقىلاۋ بويىنشا قىزمەتتەردى قامتاماسىز ەتۋ, حالىققا قىزمەت كورسەتۋ ورتالىقتارىنىڭ جۇمىستارىمەن تىكەلەي بايلانىستى. زاڭدىلىقتى كۇشەيتۋ ماقساتىندا جەر قاتىناستارى جانە «الماتى قالاسىندا جەر قاتىناستارى سالاسىندا كورسەتىلەتىن مەملەكەتتىك قىزمەتتەردىڭ رەگلامەنتتەرىن بەكىتۋ تۋرالى» الماتى قالاسى اكىمدىگىنىڭ 2014 جىلعى 22 مامىرداعى №2/385 قاۋلىسى ءازىرلەنىپ, قابىلداندى. الماتى قالاسى ءجانە ونىڭ شەتىندە تۇراتىن تۇرعىنداردان وتكەن جىلى 286 سۇراق تۇسسە, بيىلعى جىلدىڭ ءوتكەن التى ايىندا 220 سۇراق كەلىپ تۇسكەن, بۇل سۇراقتاردىڭ جارتىسىنان استامى قالاعا قوسىلعان اۋماقتار جونىندە.
وتكەن سەگىز ايدا ساۋلەت جانە قالا قۇرىلىسى باسقارماسى تاراپىنان 55 572 مەملەكەتتىك قىزمەت كورسەتىلگەن. مەملەكەتتىك قىزمەت كورسەتۋدىڭ ساپاسىن كوتەرۋمەن سىبايلاس جەمقورلىقتىڭ الدىن الۋ ماسەلەلەرى بويىنشا ۇكىمەتتىك ەمەس ۇيىمدارمەن بىرلەسە وتىرىپ, 24 كەلىسىمگە قول قويىلدى. بۇگىنگى كۇنى اتالعان ماسەلە بويىنشا جۇمىستار جۇيەلى تۇردە جۇرگىزىلىپ جاتىر.
شارافاددين ءامىروۆ,
«ەگەمەن قازاقستان».
الماتى.