استانا. 2 شىلدە. مەملەكەت باسشىسى نۇرسۇلتان نازارباەۆ قىرعىزستاننىڭ ءى دارەجەلى «ماناس» وردەنىمەن ماراپاتتالدى. بۇل تۋرالى قىرعىزستان پرەزيدەنتىنىڭ ءباسپاسوز قىزمەتىنە سىلتەمە جاساعان «قازاقپارات» حابارلادى.
حابارلامادا: «قىرعىزستان رەسپۋبليكاسىنىڭ پرەزيدەنتى المازبەك اتامباەۆ «قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتى ءى دارەجەلى «ماناس» وردەنىمەن ماراپاتتاۋ» جونىندەگى جارلىققا قول قويدى», – دەلىنگەن.
جارلىققا سايكەس, قازاقستان پرەزيدەنتى وداقتاستىق قارىم-قاتىناستاردى جانە قىرعىزستان مەن قازاقستان اراسىنداعى ستراتەگيالىق ارىپتەستىكتى دامىتۋعا, ەكى ەل حالقىنىڭ تاتۋ كورشىلىك پەن دوستىق قاتىناسىن نىعايتۋعا قوسقان ۇلەسى ءۇشىن ءى دارەجەلى «ماناس» وردەنىمەن ماراپاتتالدى.
ەلامان قوڭىر.
دەرەك: «قازاقپارات».
سۋرەت: wikipedia.org.