الماتى. 2 شىلدە. رەسەي فەدەراتسياسى مەملەكەتتىك دۋماسىنىڭ ەكس-دەپۋتاتى ۆالەري پانوۆقا ينتەرپول ارقىلى حالىقارالىق ىزدەۋ جاريالاندى. بۇل تۋرالى ينتەرفاكس حابارلادى.
حالىق قالاۋلىسىنا قىزمەت بابىن اسىرا پايدالانعان دەگەن ايىپ تاعىلىپ وتىر. پانوۆتىڭ تۇرمەدەگى بۇرىنعى پوليتسيا قىزمەتكەرلەرىنىڭ اگەنتى بولعانى ءارى پوليتسيا قىزمەتكەرلەرىمەن بىرگە قىلمىستىق ارانداتۋ ءىس-قيمىلدارىنا قاتىسقانى ايعاقتالدى. رەسەي فەدەراتسياسى ىشكى ىستەر مينيسترلىگىنىڭ باسقارما باستىعى دەنيس سۋگروبوۆ قىلمىستى توپ قۇرىپ, ونىڭ قۇرامىنا باسقارمانىڭ بەس وفيتسەرىن تارتقان. ولار قىزمەت بابىن اسىرا پايدالانىپ, ارانداتۋ ارەكەتتەرى ارقىلى زارداپ شەگۋشىلەردەن جاپپاي پارا العان. پوليتسياداعى ۇيىمداسقان قىلمىستى توپقا مەمدۋمانىڭ دەپۋتاتى ۆالەري پانوۆ باس-كوز بولىپ جۇرگەن ەكەن.
ءىزىن جاسىرعان ەكس-دەپۋتاتتىڭ سۋرەتتەرى ينتەرپولدىڭ رەسمي سايتىندا جاريالاندى.
تالعات ءسۇيىنباي.
دەرەك, سۋرەت: ينتەرفاكس.