قاراعاندى. 14 قازان. قاراعاندى وبلىسىنداعى قارقارالى اۋدانىندا اۋىلدىق كاسىپكەرلەر قۇلپىناي وسىرۋگە جانە قويان فەرماسىن اشۋعا ارنالعان گرانتتارعا يە بولدى. بۇل تۋرالى وڭىرلىك كاسىپكەرلەر پالاتاسىنىڭ ءباسپاسوز قىزمەتى حابارلادى.
جالپى سوماسى 1,8 ميلليون تەڭگە بولاتىن ەكى گرانتتى قارقارالىلىق كاسىپكەر جىگەر كارىم ۇلى الدى. ول بۇل قارجىعا قويان وسىرەتىن فەرما اشپاقشى. ال گرانتتىڭ ەڭ قوماقتىسى – 2,8 ميلليون تەڭگە قۇلپىناي ءوسىرۋ جونىندەگى جوبا ۇسىنعان قاراعايلىلىق كاسىپكەر جاندوس قونىسباەۆقا بۇيىردى.
بۇدان بولەك, قارقارالىدا سۇلۋلىق سالونى مەن قاراعايلىدا ناۋبايحانا اشۋعا جانە اعاشتان جاسالاتىن كادەسىي وندىرىسىنە گرانتتار ءبولىندى.
قايرات ءابىلدينوۆ.
دەرەك, سۋرەت: وڭىرلىك كاسىپكەرلەر پالاتاسىنىڭ ءباسپاسوز قىزمەتى.