شىمكەنت. وڭتۇستىك قازاقستاندا قىزىلشاعا قارسى جاسالعان ەكپەدەن كەيىن ون كۇن بويى ەس-ءتۇسسىز جاتقان ءجاسوسپىرىم ەسىن جينادى. ونىنشى سىنىپتىڭ وقۋشىسى ساعىندىق جانىسباەۆ 19 اقپان كۇنى قىزىلشا اۋرۋىنا قارسى ۆاكتسينا سالدىرعان بولاتىن. بۇل تۋرالى otyrar.kz حابارلادى.
ەكپە جاسالعاسىن ون مينۋت وتكەن سوڭ ءجاسوسپىرىمنىڭ جاعدايى كۇرت ناشارلاپ, جەدەل جاردەم بريگاداسىن شاقىرۋعا تۋرا كەلگەن. دارىگەرلەر ناۋقاستى اۋرۋحانانىڭ جان ساقتاۋ بولىمىنە جاتقىزىپ قويادى.
قازىرگى تاڭدا دارىگەرلەر بالانىڭ ەس-ءتۇسسىز جان ساقتاۋ بولىمىندە جاتۋىنىڭ ناقتى سەبەبىن انىقتاي العان جوق. بۇل جاعدايدىڭ اق-قاراسىن ەندى تاۋەلسىز ساراپشىلار انىقتاۋى مۇمكىن.
باقتيار تايجان.
دەرەك, سۋرەت: otyrar.kz.