شىمكەنت. 6 ناۋرىز. وڭتۇستىك جۇرتشىلىعى پرەزيدەنت سايلاۋى سەكىلدى اسا ماڭىزدى ساياسي ناۋقاندى وتكىزۋگە بۇل جولى دا ۇلكەن بەلسەندىلىك بەلسەندىلىك تانىتۋدا. مۇنى ايماقتا جۇرگىزىلگەن قوعامدىق پىكىر بايقاتىپ وتىر. بۇل تۋرالى زەرتتەۋ ماتەريالدارىنا سۇيەنگەن egemen.kz ءتىلشىسى حابارلادى.
قوعامدىق پىكىردى زەرتتەۋ ورتالىعىنىڭ ماماندارى ساۋالناما ارقىلى جەرگىلىكتى ەلەكتوراتتىڭ ساياسي وقيعاعا دەگەن كوزقاراسى ايقىن بايقالعانىن مالىمدەدى.
ورتالىق قىزمەتكەرلەرى 18 جاستان جوعارى وبلىستىڭ بارلىق اۋدان-قالالارىندا تۇراتىن ءارتۇرلى ۇلت وكىلدەرىنەن 1600-دەن استام تۇرعىنعا سۇراۋ سالعان. قورىتىندىلار سايلاۋدىڭ قوعامدىق-ساياسي اقۋالعا وڭ اسەرى بولاتىنىن اڭعارتادى. قاتىسۋشىلاردىڭ 96,4 پايىزى سايلاۋ تۋرالى باستاما ءدال مەرزىمىندە كوتەرىلدى دەپ سانايدى.
قازاقستاندا كەزەكتەن تىس پرەزيدەنت سايلاۋى 2015 جىلدىڭ 26 ساۋىرىندە وتەدى. مۇنى مەملەكەت باسشىسى نۇرسۇلتان نازارباەۆ العاش حالىققا ارناعان ۇندەۋى ارقىلى جاريا ەتتى.
زەرتتەۋ قورىتىندىلارى پرەزيدەنت سايلاۋىنا تۇرعىنداردىڭ بەلسەندىلىگى وتە جوعارى ەكەنىن كورسەتىپ وتىر. ساۋالناماعا قاتىسقانداردىڭ 85,1 پايىزى مىندەتتى تۇردە داۋىس بەرۋگە باراتىنىن ايتسا, 10,5 پايىزى داۋىس بەرۋگە قاتىسۋى مۇمكىن ەكەنىن العا تارتقان. ال رەسپوندەنتتەردىڭ 4,4 پايىزى ساياسي وقيعادان قالىس قالۋى مۇمكىن ەكەنىن جاسىرمادى.
باقتيار تايجان.
دەرەك, فوتو: otyrar.kz.