اتىراۋ. 6 ناۋرىز. اتىراۋ وبلىسىنىڭ جىلىوي اۋدانىندا كۇننەن قۋات جينايتىن ستانسا سالۋ قولعا الىنادى. بۇل تۋرالى egemen.kz ءتىلشىسى حابارلادى.
تاۋلارى مەن قىراتتارى جوققا ءتان جازىق دالادا ورنالاسقان اتىراۋ وبلىسى جەل مەن كۇننەن قۋات جيناۋعا تاپتىرمايتىن ءوڭىر. قازىردىڭ وزىندە اتىراۋ وبلىسىندا جەلدەن ەنەرگيا وندىرەتىن قوندىرعىلاردى پايدالانىپ وتىرعاندار بار. ەندى جىلىوي اۋدانىنىڭ اۋماعىنان كۇننەن قۋات وندىرەتىن ارنايى ستانسا سالۋ ءىسى قولعا الىنعالى وتىر. قازىردىڭ وزىندە بۇل جوبانى ىسكە اسىرۋ ءۇشىن ارنايى جەر تەلىمى بەرىلدى.
اتىراۋدا العاش رەت قولعا الىناتىن جوبا بويىنشا 10 مۆت ەلەكتر ەنەرگياسىن ءوندىرۋ جوسپارلانعان. جوباعا 10 ميلليون دوللار كولەمىندە ينۆەستيتسيا سالىنباق. جوبانى ىسكە اسىراتىن مەردىگەرلىككە «ەكوپروەكت-قۇلسارى» سەرىكتەستىگى تاڭدالىپ وتىر.
جولداسبەك شوپەعۇل.
دەرەك: egemen.kz.
سۋرەت: business.gov.kz.