اقتوبە. 14 قازان. اقتوبەدەگى مارات وسپانوۆ اتىنداعى باتىس قازاقستان مەملەكەتتىك مەديتسينالىق ۋنيۆەرسيتەتىندە جاستاردىڭ ءدىني ەكسترەميستىك توپتارعا تارتىلۋىنا جول بەرمەۋ ماقساتىندا «اڭسار» اقپاراتتىق-ناسيحاتتىق توبىنىڭ ماماندارىمەن ەكسترەميزم مەن تەرروريزمنىڭ الدىن الۋ ماسەلەلەرى بويىنشا ءبىرىنشى كۋرس ستۋدەنتتەرىمەن كەزدەسۋ وتكىزىلدى. بۇل تۋرالى egemen.kz ءتىلشىسى حابارلادى.
قازىرگى تاڭدا ءدىني ەكسترەميزم مەن تەرروريزم ەڭ وزەكتى ماسەلە بولىپ وتىر. وعان ناقتى مىسال, تۇركيا مەن سيريا, ليۆيا مەن پاكستانداعى جاعداي بولىپ تابىلادى. ءوز ەلىمىزدەگى تاراز, الماتى قالالارىنداعى, باتىس وڭىرىندەگى وقيعالار دا الاڭداۋشىلىق تۋعىزۋدا. كوبىنە ءدىني فاناتتاردىڭ ارباۋىنا جاستار ءتۇسىپ قالىپ جاتادى. ولاردى ينتەرنەت ارقىلى قاتارلارىنا تارتاتىنى دا جاسىرىن ەمەس. وسى جانە باسقا دا دىنگە قاتىستى ماسەلەلەر توڭىرەگىندە ستۋدەنتتەرمەن كەلەلى اڭگىمە وتكىزىلگەن شارا تەرروريزم تۋرالى الەۋمەتتىك بەينەبايان كورسەتۋمەن باستالدى. سودان كەيىن «اڭسار» اقپاراتتىق-ناسيحاتتىق توبى باسشىسىنىڭ ورىنباسارى اسلانبەك تىنىشتىق ەكسترەميزم جانە تەرروريزم تۋرالى تەرەڭ تۇسىنىك بەردى, ەكسترەميستىك توپتار جانە ءدىني فاناتتاردىڭ سول توپتارعا تارتۋ ادىستەرى تۋرالى اڭگىمەلەدى.
ول قازاقتان اۋماعىندا 5 ءدىني ۇيىمنىڭ ەكسترەميستىك جانە 14 ۇيىمنىڭ تەرروريستىك توپقا جاتاتىنىن اتاپ ءوتتى. ولاردىڭ قاتارىندا «ال-كاەدا», «دجۋيد ال-حاليفات» جانە باسقالارى بار.
ستۋدەنتتەر كوتەرىلىپ وتىرعان ماسەلەگە قىزىعۋشىلىق تانىتىپ, دجيحاد دەگەن نە, راديكالدىق توپتاردىڭ قاتارىنا قالاي ءتۇسىپ قالماۋ كەرەك, ەكسترەميستىك توپتاردى قالاي اجىراتۋعا بولادى دەگەن سياقتى كوپتەگەن ساۋالدار قويىپ, تولىق جاۋاپ الدى.
ساتىبالدى ءساۋىرباي.
دەرەك, سۋرەت: egemen.kz.