ءCاۋىر ايىنىڭ سوڭى تەرەك وسىرۋشىلەر ءۇشىن ەرەكشە جاۋاپتى كۇندەر بولىپ تابىلادى. سەبەبى, وسى ۋاقىتتا ولار قىستاي توپىراق استىندا كومۋلى جاتقان تەرەك بۇتاقتارىن قازىپ الادى. ونى جۋاندىعى مەن بۇرتىكتەرىنىڭ سانىنا قاراي ۇزىندىعىن 15-20 سم. كولەمىندە كەسىپ الىپ, قالەمشەلەر ارقىلى كوبەيتۋ جۇمىسىن جۇرگىزەدى. وكىنىشكە قاراي, قوسىمشا قارجى جۇمساماي-اق اعاشتى جىلدام ءارى ءتيىمدى كوبەيتۋدىڭ بۇل جولىن بىلەتىندەر بۇگىندە اسا كوپ ەمەس. سوندىقتان, «گۇلستان» رەسپۋبليكالىق عىلىمي-تانىمدىق, كوپشىلىك جۋرنالى مەن «گۇلزار» قوعامدىق بىرلەستىگى الماتى وبلىسى كەربۇلاق اۋدانىنىڭ باسشي اۋىلىنداعى رايىمبەك اتىنداعى جانە الماتى قالاسىنىڭ الاتاۋ اۋدانىنداعى №178 ليتسەيدە ارنايى شارالار وتكىزىپ, وسى سالاداعى وزدەرىنىڭ ءىس-تاجىريبەلەرىمەن ءبولىستى. وندا تەرەك قالەمشەسىن ازىرلەۋ جانە ونى وتىرعىزۋ جولدارى كورسەتىلدى. ماسەلەن, تاجىريبەلىك جيىندا باسشيدە الماتى وبلىسىنىڭ كەربۇلاق, كوكسۋ جانە پانفيلوۆ اۋداندارىنان كەلگەن الەۋمەتتىك سالا وكىلدەرى, ال الماتىدا نەگىزىنەن مەكتەپ مۇعالىمدەرى مەن وقۋشىلارى قاتىستى. بۇل شارا بارىسىندا قاتىسۋشىلارعا تەرەك قالەمشەسىن تاجىريبەلىك الاڭقايعا ءوز قولدارىمەن وتىرعىزىپ قانا قويماي, ونى وزدەرى قىزمەت جاسايتىن مەكەمەلەر مەن ۇيلەرىندە دە ءوسىرۋى ءۇشىن تەرەك قالەمشەلەرى تەگىن تاراتىلدى. ەلىمىزدە جىل سايىن ءبىلىم بەرۋ, دەنساۋلىق ساقتاۋ مەكەمەلەرى مەن جەرگىلىكتى اتقارۋ ورگاندارىنا جانە ءتۇرلى دەڭگەيدەگى ەلدى مەكەندەردى كوگالداندىرۋ جۇمىستارىنا بيۋدجەتتەن قوماقتى قارجى جۇمسالادى. اۋلاعا, كوشە مەن ساياباققا ەگۋ ءۇشىن ساتىپ الىناتىن مىڭداعان كوشەتتەردىڭ, وكىنىشكە قاراي, كوپشىلىگى ونبەي قالادى نەمەسە كۇتىم جاسالماعاندىقتان, بەلگىلى ءبىر ۋاقىتتان كەيىن قۋراپ قالادى. الايدا, ونىڭ ەسەبىن جۇرگىزىپ, اتقارىلعان جۇمىستىڭ قانشالىقتى ءتيىمدى-ءتيىمسىز بولعانىن تالداپ, ساراپتاما جاساپ جاتقان ەشكىم جوق. سول سەبەپتى ءاردايىم كوكتەمدە جانە كۇزدە جۇرگىزىلەتىن اعاش ەگۋ اكتسيالارى كەزىندە ۇرانداتىپ باستاعان جۇمىستاردىڭ باسى تاۋداي بولعانىمەن, اياعى قىلداي بولىپ جاتاتىنى ەشكىمگە قۇپيا ەمەس. ء«بىزدىڭ ماقساتىمىز – تۇيتكىلدى ماسەلەنىڭ ءتۇيىنىن قالاي شەشۋگە بولاتىنىن كورسەتۋ. اعاش ەگۋدى جالاڭ ۇرانعا اينالدىرماي, وعان جۇرتشىلىقتى ەرىكتى تۇردە قىزىقتىرۋ. قورشاعان ورتانى كوگالداندىرۋ مادەنيەتىن دامىتىپ, بۇل سالانى تابىس كوزىنە اينالدىرۋ جولىن كورسەتۋ», دەيدى «گۇلزار» قوعامدىق بىرلەستىگىنىڭ جەتەكشىسى ءباتيما قايمولدانوۆا. ەنەرگەتيكا سالاسىندا جوعارى وقۋ ورنىنان ارنايى ءبىلىم الىپ, ماماندىق الىپ شىققان گوزەل قۇلجاباەۆانىڭ وسىمدىكتەر الەمىنە دەگەن قىزىعۋشىلىعى بۇل كۇندە كوزى قاراقتى وقىرمانعا جاقسى تانىس. ونىڭ گۇل ءوسىرىپ, اعاش وتىرعىزۋ ارقىلى جاس ۇرپاقتىڭ بويىنا بالاباقشا قابىرعاسىنان باستاپ قورشاعان ورتانى قورعاۋ مادەنيەتىن ءسىڭىرۋ يدەياسى بۇگىندە رەسپۋبليكانىڭ تۇكپىر-تۇكپىرىندە ءتۇرلى دەڭگەيدەگى ءبىلىم بەرۋ مەكەمەلەرى اراسىندا قىزۋ قولداۋ تاۋىپ كەلە جاتىر. «گۇلستان» رەسپۋبليكالىق عىلىمي-تانىمدىق, كوپشىلىك جۋرنالىنىڭ باس رەداكتورى گوزەل قۇلجاباەۆانىڭ ايتۋىنشا, قالەمشە ارقىلى كوبەيتۋ جۇمىسىن تەك تەرەككە عانا ەمەس, وزگە دە اعاشتار, بۇتالار مەن گۇلدەرگە دە قولدانۋعا بولادى. تەك ونىڭ وزىندىك ەرەكشەلىكتەرى بار. تەز وسەتىندىگى مەن اسەمدىگىنە بايلانىستى ەلدى مەكەندەردى كوگالداندىرۋدا كەڭ قولدانىلاتىن تەرەك اعاشىن كەيبىر ازاماتتار گۇلدەگەن كەزدە ۇشاتىن اق ۇلپالارى اللەرگيا تۋدىراتىندىقتان, ۇناتپايدى. الايدا, بۇل قولايسىزدىقتان قۇتىلۋدىڭ دا جولى بار ەكەنىن ولاردىڭ كوپشىلىگى بىلمەيدى. مامانداردىڭ ايتۋىنشا, تەرەك ەگەتىن كەزدە ونىڭ ەركەگى مەن ۇرعاشىسىن اجىراتا ءبىلۋ كەرەك. ەگەر بۇل اعاشتىڭ ەركەگىن وتىرعىزساڭىز, گۇلدەمەيتىن بولعاندىقتان, ودان ەشقانداي قولايسىزدىق تۋىندامايدى. جالپى, جاقسى قاراسا بويى جىلىنا 3 مەترگە دەيىن وسەتىن تەرەك اعاشىن تەك ساندىك ءۇشىن عانا ەمەس, تابىس تابۋدىڭ ءبىر كوزى رەتىندە دە وسىرۋگە بولادى. ونى بال شارۋاشىلىعى, ءدارى-دارمەك, قولونەر, قۇرىلىس, پارفيۋمەريا, سىرىڭكە, تەرى يلەۋ ونەركاسىبى جانە تاعى باسقا دا سان الۋان شارۋاشىلىق سالالارىندا قولدانۋعا مۇمكىندىك بار. ەرلىك ەرجان ۇلى, جۋرناليست. الماتى.