مەملەكەت باسشىسى نۇرسۇلتان نازارباەۆ «ايدا» وپەراسىنىڭ قويىلىمىنا باردى, دەپ حابارلادى پرەزيدەنتتىڭ ءباسپاسوز قىزمەتى.
دجۋزەپپە ۆەرديدىڭ ايگىلى وپەراسى استانا كۇنىنە وراي جاڭا پىشىمدە – دەكوراتسيالار مەن شوۋ ەلەمەنتتەرىن, سونداي-اق, وتشاشۋدى قولدانۋ ارقىلى اشىق كەڭىستىكتە قويىلدى.
سپەكتاكلدىڭ قويۋشى رەجيسسەرى – رەسەيدىڭ حالىق ءارتىسى يۋ.الەكساندروۆ. قويىلىمعا ارنالعان دەكوراتسيالار يتاليا ستسەنوگرافى جانە رەجيسسەرى ف.دزەففيرەلليدىڭ ەسكيزى بويىنشا جاسالدى. بۇل جوبا ءۇشىن بولگاريادان تەنور ك.چانەۆ ارنايى شاقىرىلدى. سونىمەن قاتار, قويىلىمعا «استانا وپەرا» تەاترىنىڭ ورىنداۋشىلارى – جەتەكشى سوليست ج.عابدۋللينا, قازاقستاننىڭ ەڭبەك سىڭىرگەن قايراتكەرلەرى د.حامزينا, ت.مۇساباەۆ, ارمەنيانىڭ حالىق ءارتىسى ب.تۋمانيان قاتىستى. جالپى, سپەكتاكلگە 300-گە جۋىق ادام اتسالىستى.