ششۋچە قالاسىنداعى «Kazbeef LTD» جاۋاپكەرشىلىگى شەكتەۋلى سەرىكتەستىگىنىڭ زاماناۋي ەت كومبيناتى رەسەيگە ءمارمار ەت جەتكىزۋ ءىسىن تابىستى جالعاستىرۋدا. بۇل جەردە تاۋلىگىنە 35 باس گەرەفورد جانە انگۋس اسىلتۇقىمدى سيىرلارى قاساپحانادان وتەدى. جوعارى ساپالى ءونىم ۆاكۋمدىق قاپتامادا, ەۋروپالىق ستاندارت بويىنشا تەرەڭدەتىلگەن ادىسپەن وڭدەلەدى.
كاسىپورىن وتكەن جىلى كورشىلەس ەلگە 224 مىڭ توننا ءونىمدى ەكسپورتتادى. سونداي-اق, ءمارمار ەتكە استانا جانە الماتى قالالارىندا دا سۇرانىس جوعارى. وسىعان بايلانىستى ەت كومبيناتى بيىل 1800 توننا ءمارمار ەت وڭدەۋدى جوسپارلاپ وتىر.
جالپى, «Kazbeef LTD» كومپانياسى 2010 جىلدان بەرى ەتتىك باعىتتاعى انگۋس جانە گەرەفورد اسىلتۇقىمدى مالىن ءوسىرۋمەن اينالىسىپ كەلەدى. كومپانيا وسىدان 4 جىل بۇرىن اقش-تان 2000 باس اسىلتۇقىمدى مال اكەلگەن بولاتىن. ءبۇگىندە بورداقىلاۋ الاڭىنداعى ءىرى قارانىڭ سانى 12 مىڭعا جەتىپ وتىر. سونداي-اق, «Kazbeef LTD» سەرىكتەستىگىنىڭ اقمولا وبلىسىنىڭ زەرەندى (پۋحالسك) ءجانە ەڭبەكشىلدەر (ماماي) اۋداندارىندا مامانداندىرىلعان ەكى شارۋاشىلىعى بار. بۇل بولاشاققا بيىك جوسپارلار قۇرۋعا مۇمكىندىك بەرەدى.
باقبەرگەن امالبەك,
«ەگەمەن قازاقستان».
اقمولا وبلىسى,
بۋراباي اۋدانى.