مەرەيتويلىق مارافون

اتىراۋدا 20 مىڭ ادام جاپپاي جۇگىرۋگە قاتىستى اتىراۋدا قازاقستان حالقى اسسامبلەياسىنىڭ 20 جىلدىعىنا وراي 20 مىڭ ادام جاپپاي سپورتتىق جۇگىرۋدەن وتكەن مارافونعا قاتىستى. سپورتتىق جۇگىرۋدىڭ اراقاشىقتىعى – 2 شاقىرىم 950 مەتر. اتىراۋ قالاسىنداعى مارا­فونعا 6 مىڭعا جۋىق ادام قاتىسىپ, سالتانات سارايىنان يساتاي-ماحامبەت ەسكەرتكىشى الاڭىنا دەيىنگى ارالىقتى جۇگىرىپ ءوتتى. باتىرلار ەسكەرتكىشى الدىندا وبلىس اكىمىنىڭ ورىنباسارى ءسالىمجان ناقپاەۆ جۇگىرۋشىلەردىڭ اراسىنان ەڭ جاس قاتىسۋشى –№15 ورتا مەكتەپتىڭ 3-سىنىپ وقۋشىسى التىنبەك انۋاربەك پەن ەڭ ەرەسەك جاستاعى قاتىسۋشى – ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ 73 جاستاعى وقىتۋشىسى جاقسىلىق راش­باەۆتى, سونىمەن بىرگە, ەڭ بەل­سەندى قاتىسۋشىلار – وب­لىس­تىق توتەنشە جاعدايلار دەپار­تامەنتى باسشىسىنىڭ ورىنباسارى سالىمعالي سالىقباەۆ پەن ادىلبەك وتەەۆ ارنايى ديپلوممەن ماراپاتتالدى. ۇلت باتىرلارى اتىنداعى الاڭدا ءار ەتنوستىڭ وكىلدەرىنىڭ قولىنان شىققان اسەم بۇيىمدار مەن تاعامداردىڭ كور­مەسى دە ءوتتى. بۇعان قوسا «تحونيل», «ءاليا», «دوۆيرا» سەكىلدى ەتنو­مادەني ءبىر­لەس­تىكتەر وكىلدەرى ءوز ەتنوستارىنىڭ تاريحي دەرەكتەرىن كورسەتتى. بۇل كۇنى جاپپاي سپورتتىق جۇگىرۋ مارافونى جەتى اۋدان ورتالىعىندا دا ءوتتى. وعان ءار اۋداننان 2 مىڭنان, بارلىعى 14 مىڭ تۇرعىن قاتىستى. جولداسبەك شوپەعۇل, «ەگەمەن قازاقستان». اتىراۋ وبلىسى. سۋرەتتى تۇسىرگەن راحىم قويلىباەۆ.