قازاقستان مۇسىلماندارى ءدىني باسقارماسىنىڭ نەگىزگى جۇمىس باعىتتارىنىڭ ءبىرى – قايىرىمدىلىق. وسى باعىتتا باس ءمۇفتي باستاماسىمەن تۇرمىسى تومەن, كوپبالالى وتباسىنان شىققان سابيلەرگە, اتا-انانىڭ قامقورلىعىنسىز قالعان بالالارعا, سونداي-اق, الەۋمەتتىك كومەككە ءزارۋ جانۇيالارعا كومەك بەرۋ شارالارى جالعاسۋدا.
جۋىردا 26 جىل قۇجاتسىز جۇرگەن ورىنبەك ىزەت ەسىمدى ازامات ايەلى مەن ۇل-قىزدارىنىڭ قۇجاتىن جاساپ بەرۋ ءۇشىن ءدىني باسقارمانىڭ كومەگىنە جۇگىندى. ءوتىنىش حاتتى باس مۇفتيگە جازعان ونىڭ تىلەگى ورىندالىپ, الماتى وبلىسىنىڭ يمامدارى تاراپىنان قاجەتتى كومەك كورسەتىلدى.
«مەن ورىنبەك ىزەت ورىنبەك ۇلى, سىزگە ءوتىنىش بىلدىرگەن ەدىم. سول ءوتىنىشىمدى وقىپ, ءسىز كومەك بەردىڭىز. جيىرما التى جىل قۇجاتسىز جۇرگەن ايەلىم مەن ۇل-قىزىم قولدارىنا قۇجات الدى. سىزگە اللا رازى بولسىن!» – دەپ قمدب ءباسپاسوز قىزمەتىنەن حابارلاعانىنداي لەبىزىن, ايرىقشا العىسىن ءبىلدىرىپتى حات يەسى.