پەتروپاۆل. 5 ناۋرىز. سولتۇستىك قازاقستان وبلىسىنداعى №6637 اسكەري بولىمىندە «ورتالىق» وڭىرلىك قولباسشىلىعى پرەزيدەنتتىك كوپسايىسىنىڭ بىرىنشىلىگى باستالدى. بۇل تۋرالى اسكەري ءبولىمنىڭ ءباسپاسوز قىزمەتى حابارلادى.
سايىسقا ەلىمىزدىڭ 9 وڭىرىنەن 60-تان استام اسكەري قىزمەتشىلەر مەن ساربازدار جينالدى. ءۇش كۇنگە سوزىلاتىن سايىستا قاتىسۋشىلار سپورتتىڭ پرەزيدەنتتىك كوپسايىس, شاڭعى جارىسى, پنەۆماتيكالىق تاپانشامەن نىسانا كوزدەۋ, بەلتەمىرگە تارتىلۋ تۇرلەرىنەن كۇش سىناسادى.
«وڭىرلىك قولباسشىلىق سپارتاكياداسىنا كىرەتىن پرەزيدەنتتىك كوپسايىستىڭ ماقساتى – اسكەريلەر اراسىندا سالاماتتى ءومىر سالتىن ناسيحاتتاۋ, دەنە كۇشىن تولىقتىرۋ, توزىمدىلىك, شىدامدىلىق سىندى قاسيەتتەرگە باۋلۋ», دەيدى دەنە شىنىقتىرۋ جانە سپورت ءبولىمىنىڭ باسشىسى كيريلل كرومين.
العاشقى جارىس كۇنى پنەۆماتيكالىق تاپانشادان اتۋ باسەكەسى ءوتتى. بۇل سىندا قاراعاندىلىق ەۆگەني بەردنيكوۆ پەن پەتروپاۆلدىق ەلنۇر ورازاەۆ مەرگەندىك تانىتىپ, جارىس كوشىن باستادى. بەلتەمىرگە تارتىلۋدان استانا مەن كوكشەتاۋدان كەلگەن ساربازدار جاقسى اسەر قالدىردى.
ءومىر ەسقالي.
دەرەك: №6637 اسكەري ءبولىمىنىڭ ءباسپاسوز قىزمەتى.
سۋرەت: elarna.com.