استانا. 5 ناۋرىز. اقش-تىڭ بوستون قالاسىندا ءجۇرىپ جاتقان سوت وتىرىسىنىڭ باسىندا ايىپتالۋشى دجوحار تسارناەۆتىڭ ادۆوكاتى القابيلەرگە قورعاپ وتىرعان ادامىنىڭ ءوز كىناسىن مويىندايتىنىن مالىمدەدى. بۇل تۋرالى BBC Russian حابارلادى.
بوستونداعى جارىلىس بۇدان ەكى جىل بۇرىن مارافون كەزىندە جاسالعان ەدى.
پروتسەستىڭ باس جاعىندا ايىپتالۋشى دجوحار تسارناەۆتىڭ ادۆوكاتى ءوز قورعاۋىنداعى ادامنىڭ كىناسىن مويىندايتىنىن جەتكىزدى. ونىڭ سوزىنە قاراعاندا, تسارناەۆ ءىس بارىسىندا اعاسى تامەرلان تسارناەۆتىڭ ىقپالىنان شىعا الماعان كورىنەدى.
قازىر جاسى 21-دەگى دجوحار تسارناەۆتى ءولىم جازاسى كۇتىپ تۇر. ول 30 تارماق بويىنشا ايىپتالىپ وتىر.
فەدەرالدى پروكۋرور سارسەنبى كۇنى پروتسەستى اشار كەزىندە تسارناەۆتىڭ بومبىنىڭ قويعانداعى ماقساتى جۇرتتى ءولتىرۋ بولعانىن مالىمدەدى.
2013 جىلى دجوحار تسارناەۆ بوستون مارافونى كەزىندەگى جارىلىسقا قاتىستى ايىپتاۋلاردىڭ ءبارىن بىردەي مويىنداعان جوق.
سوت زالىنىڭ سول قاناتىن سول جارىلىس كەزىندە زارداپ شەكەندەر تولتىردى. ال تەراكت كەزىندە ءۇش ادام قازا تاپتى. ولاردىڭ اراسىندا سەگىز جاسار بالا بار. جالپى, 260-تان استام ادام ءارتۇرلى دەنە جاراقاتىن الدى, ولاردىڭ كوپشىلىگى اياقتارى مەن قولدارىنان ايرىلدى.
مۇرات ايتقوجا.
دەرەك, سۋرەت: BBC Russian.