قاراعاندى. 5 ناۋرىز. تەمىرتاۋ قالالىق سوتىنىڭ شەشىمى بويىنشا «ارسەلور ميتتال» كومپانياسىنىڭ باس ديرەكتورى ۆيدجاي ماحادەۆان اكىمشىلىك جازاعا تارتىلدى. بۇل تۋرالى bnews.kz حابارلادى.
ەندى اكىمشىلىك جازا نەگىزىندە جۇمىسكەردەردىڭ جالاقىسىن زاڭسىز قىسقارتپاق بولعان باسشى ۇكىمەتكە 600 مىڭ تەڭگە ايىپپۇل تولەۋى ءتيىس.
ايتا كەتەيىك, قاڭتاردا كومپانيانىڭ باس ديرەكتورى ۆ.ماحادەۆان جۇمىسشىلاردىڭ جالاقىسىن 25 پايىزعا قىسقارتاتىنى تۋرالى بۇيرىق شىعارعان ەدى. ول قارجىلىق قيىندىققا تاپ بولعانىن جانە مەملەكەتتەن الاتىن 12 ميلليارد تەڭگەگە قول جەتپەي جاتقانىن ايتىپ اقتالدى.
الايدا, پروكۋراتۋرا تەكسەرىسىنەن كەيىن بۇيرىقتىڭ زاڭسىز شىققانى انىقتالدى. كەيىن مەملەكەت قارىزىن قايتارىپ, كومپانيا جالاقىنى تۇگەل تاراتىپ بەردى. سوعان قاراماستان زاڭسىز بۇيرىق شىعارعانى ءۇشىن باس ديرەكتور اكىمشىلىك جازاعا تارتىلدى. ەندى ايىپپۇلدىڭ بارلىق كولەمىن ماحادەۆان ءوز قالتاسىنان تولەۋى ءتيىس.
ايقىن نەسىپباي.
دەرەك: bnews.kz.
سۋرەت: timeskz.kz.