استانا. 1 شىلدە. قىرعىزستاندا تۇرمەدەن قاشقان قازاقستان ازاماتى ءوزىن-ءوزى جارىپ جىبەردى. بۇل تۋرالى كيرتاگ حابارلادى.
وقيعا بۇگىن تۇندە, ساعات ءۇشتىڭ كەزىندە بولعان. بىشكەكتە قىرعىزستان تۇرمەسىنەن قاشىپ شىققان وتانداسىمىز البەرت ابحين پوليتسەيلەرگە ۇستالعان كەزدە ءوزىن جارىپ جىبەرگەن. سالدارىنان قىلمىسكەر وقيعا ورنىندا قازا تاپتى.
ال قىرعىزستان تۇرمەسىنەن قاشقان تاعى ءبىر قازاقستاندىق تۋرالى ازىرگە ەشقانداي مالىمەت جوق. بۇگىندە اتالعان ءىس بويىنشا تەكسەرۋ جۇمىستارى جۇرگىزىلۋدە.
ايتا كەتەيىك, قازاقستان ازاماتتارى – 24 جاستاعى البەرت ابحين مەن 27 جاستاعى جانبولات ءامىروۆ بىشكەكتە بىرنەشە قىلمىس جاساعانى ءۇشىن 4 جىلعا سوتتالعان بولاتىن. الايدا, ولار تۇرمەدەن قاشىپ كەتكەن. 25 ماۋسىمداعى ۇستاۋ وپەراتسياسى كەزىندە ولاردىڭ ءبىرى تاپانشامەن اۋاعا وق اتسا, ەكىنشىسى گراناتانى جارىپ جىبەرەمىن دەپ قورقىتىپ, پوليتسەيلەردەن قاشىپ كەتكەن بولاتىن.
ەلامان قوڭىر.
دەرەك: كيرتاگ.
سۋرەت: timeskz.kz.