ءوز بولاشاعىمىزدى سىزبەن بايلانىستىرامىز

ۇلىستى ۇلى ىستەرگە ۇيىستىراتىن سايلاۋ

كەزەكتەن تىس پرەزيدەنتتىك سايلاۋ اسا ماڭىزدى كونستيتۋتسيالىق جانە پاتريوتتىق اكتىگە اينالاتىن بولادى

– دەيدى قازاقستاندىقتار ەلباسىنا جازعان حاتتارى مەن جەدەلحاتتارىندا پرەزيدەنت سايلاۋىن وتكىزۋ تۋرالى شەشىمگە قولداۋ ءبىل­دىرگەن جانە نۇرسۇلتان نازارباەۆتىڭ كانديداتۋراسى ۇسى­نىلۋىن وتىنگەن حاتتار مەن جەدەلحاتتار لەگى كەلۋىن جال­عاستىرۋدا, دەپ حابارلادى پرەزيدەنتتىڭ ءباسپاسوز قىزمەتى. مەملەكەت باسشىسى اتىنا ءتۇرلى كاسىپورىندار مەن ۇيىم­دار­دىڭ جۇمىسشىلارىنان, دەن­ساۋلىق ساقتاۋ جانە ءبىلىم بەرۋ مەكەمەلەرىنىڭ ۇجىمدارىنان, ستۋدەنت جاستاردان, ەل ازاماتتارىنان نۇرسۇلتان نازارباەۆتىڭ الداعى سايلاۋعا قاتىسۋىن ءوتىن­گەن حاتتار لەگى تولاسسىز كەلىپ تۇسۋدە. قاراعاندى وبلىسىنىڭ قالا قۇ­راۋشى كاسىپورىندارىنىڭ باسشىلارى, سونداي-اق, قاراعاندى مەملەكەتتىك تەحنيكالىق ۋني­ۆەر­سيتەتىنىڭ ستۋدەنتتەرى, ۇستاز­دارى مەن عالىمدارى مەم­لەكەت باسشىسىنىڭ الداعى پرە­زي­دەنتتىك سايلاۋعا قاتىسۋىن ءوتىنىپ, حات جازىپتى. «الەمدىك ەكونوميكاداعى سوزىلمالى داعدارىس جاع­داي­ىندا ءتيىستى شارا قولدانۋ قاجەت بولعاندا ءسىز ەلدىڭ ينفرا­قۇ­رىلىمىن دامىتۋعا باعىت­تالعان ماڭىزدى ستراتەگيالىق مىندەتتەردى دەر كەزىندە العا تارتتىڭىز. ءبىز قازاقستان حالقى اسسامبلەياسىنىڭ سايلاۋ وتكىزۋ تۋرالى باستاماسىن قولدايمىز جانە قازاقستان حالقىنىڭ ال­دىنداعى وسى كۇردەلى كەزەڭدە ءسىزدىڭ باسشىلىعىڭىزبەن جا­ھاندىق سىناقتاردان تابىس­تى ءوتۋ ءۇشىن كوپۇلتتى ەلدىڭ ەلباسىنىڭ توڭىرەگىندە تۇتاسا ءتۇسۋى قاجەت دەپ سانايمىز», – دەلىنگەن حاتتا. قىزىلوردا قالاسىنان «پەت­رو­قازاقستان كۇمكول رەسورسيز» اق جۇمىسشىلارى پرەزي­دەنتتىك سايلاۋ وتكىزۋ تۋرالى شەشىمدى تولىق ماقۇلدايدى جانە وعان مەملەكەت باسشىسىنىڭ ءوزى قاتىسقانىن قالايدى.     «ءبىز ەلدى الەۋمەتتىك-ەكونوميكالىق دامىتۋعا باعىتتالعان ءسىزدىڭ كورەگەن ساياساتىڭىزدى ارقاشان قولداۋعا دايىنبىز. قازاقستاندى الەمدەگى دامىعان 30 ەلدىڭ قاتارىنا قوسۋ جونىندەگى ءسىزدىڭ اۋقىمدى يدەياڭىز تابىستى بولاتىنىنا جانە وزىڭىزبەن بىرگە بۇدان زور بيىكتەرگە جەتەتىنىمىزگە سەنىمدىمىز», – دەپ جازادى اۆتورلار. «ماڭعىستاۋمۇنايگاز» اق مۇنايشىلارى «نۇرلى جول» باعدارلاماسىندا بەلگىلەنگەن جانە وتاندىق ەكونوميكانى دامىتۋعا باعىتتالعان جوبالاردى تابىستى جۇزەگە اسىرۋ تەك مەملەكەت باسشىسىنىڭ باسشىلىعىمەن مۇمكىن بولاتىنىن ايتقان. «سىزدەن ءوز كانديداتۋراڭىزدى پرەزيدەنتتىك سايلاۋعا ۇسىنۋدى سۇرايمىز. ءبىز داۋىسىمىزدى سىزگە بەرەتىنىمىزگە سەندىرەمىز جانە سول ارقىلى ماڭىزدى تاڭداۋ جاسايمىز», – دەلىنگەن حاتتا. اقتاۋ قالاسىنان «ماەك – قاز­اتوم­ونەركاسىپ» جشس وكىلدەرى كۇردەلى حالىقارالىق احۋال مەن الەمدىك ەكونوميكادا داعدارىس قۇبىلىسى بەلەڭ الۋىنا بايلانىستى «نۇرلى جول» باعدارلاماسىن ودان ءارى ىسكە اسىرۋ قا­جەتتىلىگى تۋىپ وتىرعان جاعدايدا نۇرسۇلتان نازارباەۆتىڭ الداعى سايلاۋعا قاتىسقانىن قالايتىندارىن ايتادى. 37 ۇلتتىڭ وكىلى جۇمىس ىستەيتىن الماتى كوپىر قۇرىلعىلارى زاۋىتىنىڭ مىڭداعان ادامدىق ۇجىمى مەملەكەت باسشىسىنىڭ پرەزيدەنتتىك سايلاۋعا ءتۇسۋىن ءوتىنىپ حات جازعان. ولار ەلباسىنىڭ باسشىلىعىمەن تاۋەلسىز قازاقستاننىڭ تۇراقتىلىعى ساقتالاتىنىنا, ەكونوميكانىڭ ءوسۋى جالعاسىپ, مەملەكەتتىڭ الەمدىك ارەناداعى مىزعىماس بەدەلى نىعايا بەرەتىنىنە سەنىم بىلدىرگەن. «ءبىز ەلىمىزدى دامىتۋ ءۇشىن «نۇرلى جول» باعدارلاماسىن جۇزەگە اسىرۋدىڭ ماڭىزدى ەكەنىنە وتە سەنىمدىمىز. ءبىزدىڭ زاۋىت بۇل ىسكە بەلسەنە قاتىسۋدا. ءسىز – ءبىزدىڭ پرەزيدەنتسىز.  ءبىز باسىندا ەلباسى تۇرعان قۋاتتى ءارى گۇلدەنگەن قازاقستاندى قالايمىز», – دەپ جازادى اۆتورلار. قىزىلوردا قالاسىنان حات جولداعان «قازگەرمۇناي» بك» جشس جۇمىسشىلارى ەلباسىنىڭ باسشىلىعىمەن تاۋەلسىزدىك جىلدارى ەلىمىزدىڭ بەت-بەينەسىن تۇبەگەيلى وزگەرتكەن اۋقىمدى رەفورمالار جۇرگىزىلگەنىن اتاپ وتكەن. «وسىعان وراي ءسىزدىڭ پرەزيدەنتتىك سايلاۋعا قاتىسقانىڭىزدى قالايمىز. سايلاۋدا سىزگە داۋىس بەرە وتىرىپ, ءبىز بولاشاققا سەنىممەن قاراي الامىز», – دەلىنگەن حاتتا. «قازاقستان تەمىر جولى» ۇك» اق قىزىلوردا جول بولىمشەسىنىڭ ۇجىمى رەسپۋبليكامىزدى وركەندەۋگە باستاعان «قازاقستان-2050» ستراتەگياسىنىڭ ماڭىزى جوعارى ەكەنىنە توقتالعان. «ءبىز پرەزيدەنتتىك سايلاۋعا ايرىقشا ءمان بەرەمىز جانە ءسىزدىڭ سايلاۋعا تۇسكەنىڭىزدى قالايمىز. ويتكەنى, جەڭىسكە ءسىز عانا لايىقتىسىز», – دەپ جازادى اۆتورلار. الماتى وبلىسىنان «ەفەس قاراعاندى» جشس جۇمىسشىلارى مەملەكەت باسشىسىنىڭ كورەگەن ساياساتىنىڭ ارقاسىندا قازاقستاندىقتار بولاشاققا سەنىممەن قارايتىنىن ايتادى. «قازاقستان دەپ اتالاتىن ۇلكەن كەمەنىڭ شتۋرۆالىنان ءسىزدى عانا كورگىمىز كەلەدى. ءسىزدى ءبىزدىڭ ءۇمىتىمىز بەن تىرەگىمىز دەسەك, بارلىق قازاقستاندىقتاردىڭ پىكىرىن بىلدىرەتىنىمىزگە سەنىمدىمىز. سىزبەن بىرگە بولساق, ءبارىن دە ەڭسەرە الامىز», – دەلىنگەن حاتتا. الماتى وبلىسى «ازيااگروفۋد» جشس جۇمىسشىلارى مەملەكەت باسشىسىنىڭ تۇلعالىق قاسيەتى, دانالىعى مەن تاجىريبەسى, بەدەلى ەلدىڭ ءارى قاراي دامۋى مەن وركەندەۋىنە قىزمەت ەتەتىنىن ايتادى. «ءبىز الداعى پرەزيدەنتتىك سايلاۋدى قۇپتايمىز جانە ءسىزدىڭ وعان قاتىسقانىڭىزدى قالايمىز. سىزگە سەنەمىز, جاقسى كورەمىز جانە باعالايمىز. سىزگە سەنە وتىرىپ, ءبىزدىڭ كوپەتنوستى قازاقستاننىڭ بولاشاعىن سىزبەن عانا بايلانىستىرامىز», – دەلىنگەن حاتتا. پرەزيدەنت سايلاۋىنا بايلانىستى حاتتار قىزىلوردا وبلىسىنىڭ دەنساۋلىق ساقتاۋ سالاسى قىزمەتكەرلەرىنەن دە كەلدى. ماسەلەن, وبلىستىق مەديتسينالىق ورتالىقتىڭ ۇجىمى وزدەرىنىڭ مەكەمەسىن كەڭەيتۋ جانە ساپالىق تۇرعىدان دامىتۋ ەلدىڭ تۇراقتى الەۋمەتتىك-ەكونوميكالىق دامۋىنىڭ ناتيجەسىندە مۇمكىن بولعانىن ايتادى. «سىزبەن بىرگە ەلىمىزدىڭ بولاشاعىن جاساۋعا دايىنبىز, سوندىقتان الداعى قازاقستان رەسپۋبليكاسى پرەزيدەنتىنىڭ سايلاۋىنا كانديداتۋراڭىزدىڭ ۇسىنىلعانىن قالايمىز», – دەلىنگەن حاتتا. قىزىلوردا قالالىق اۋرۋحاناسىنىڭ جۇمىسشىلارى رەسپۋبليكادا الەۋمەتتىك سالانى دامىتۋعا ايرىقشا كوڭىل بولىنەتىنىنە, زاماناۋي جابدىقتارمەن جاساقتالعان ءبىلىم جانە دەنساۋلىق نىساندارى سالىنىپ جاتقانىنا نازار اۋدارعان. وسىعان وراي اۆتورلار مەملەكەت باسشىسىنىڭ پرەزيدەنت سايلاۋىنا ءتۇسۋىن ءوتىنىپ, ەلباسىنىڭ كانديداتۋراسىن قولداۋعا دايىن ەكەندەرىن بىلدىرگەن. قىزىلوردا قالاسىنىڭ ەستۋ قابىلەتى ناشار بالالارعا ارنالعان №6 ارناۋلى (كوررەكتسيالىق) مەكتەپ-ينتەرناتىنىڭ ۇجىمى مەملەكەت باسشىسىنىڭ تاۋەلسىزدىكتى نىعايتۋداعى, ەلدىڭ ءال-اۋقاتىن ارتتىرۋداعى, باسەكە قابىلەتىن كۇشەيتۋدەگى ءرولىن اتاپ وتكەن. سونداي-اق, مەملەكەت باسشىسىنا پرەزيدەنت سايلاۋىنا تۇسسەڭىز دەگەن وتىنىشتەرىن جەتكىزىپ, ونىڭ جەڭەتىنىنە كۇمانسىز سەنەتىندەرىن ايتقان. ەلباسىنا قولداۋ بىلدىرگەن حاتتار مەن جەدەلحاتتار ەلدىڭ ءتۇرلى وڭىرلەرىندەگى ءبىلىم بەرۋ مەكەمەلەرىنەن دە كەلدى. اتاپ ايتقاندا, س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ ون مىڭ ستۋدەنتى نۇرسۇلتان نازارباەۆتىڭ سايلاۋعا ءتۇسۋىن وتىنگەن جانە ستۋدەنت جاستاردى سايلاۋعا بەلسەنە قاتىسۋعا شاقىرعان. «ءبىزدىڭ پرەزيدەنتتى قولداۋ ساياساتىمىز ەلباسىنا, ونىڭ قۋاتتى ءارى گۇلدەنگەن قازاقستاندى قۇرۋعا باعىتتالعان ستراتەگيالىق باعدارىنا دەگەن تولىق سەنىمگە نەگىزدەلگەن. بۇگىندە ەلىمىزدە جاستاردىڭ دامۋى جانە كاسىبي ءبىلىم الۋى, بولاشاعىنىڭ تابىستى بولۋى ءۇشىن بارلىق جاعداي جاسالعان. ءبىزدىڭ باستى مىندەتىمىز –  جاقسى ءبىلىم الىپ, ساياسي بەلسەندى بولۋ جانە رەسپۋبليكا يگىلىگى ءۇشىن ەڭبەكتەنۋ. مەملەكەت باسشىسىنىڭ ساياساتىن قىزۋ قولداي وتىرىپ, ءبىز سۇيىكتى وتانىمىزدىڭ ءارى قاراي دامۋى مەن وركەندەۋىنە ءوز ۇلەسىمىزدى قوسۋعا دايىنبىز. بۇل ءبىزدىڭ ازاماتتىق ۇستانىمىمىز, كونستيتۋتسيالىق قۇقىعىمىز ءارى پاتريوتتىق پارىزىمىز», – دەپ جازادى اۆتورلار. قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ وقىتۋشى-پروفەسسورلار قۇرامى مەن ستۋدەنتتەرى نۇرسۇلتان نازارباەۆتى الداعى سايلاۋعا تۇسەدى دەپ ۇلكەن ۇمىتپەن كۇتىپ وتىرعانىن حابارلاعان. «وڭىردەگى زيالى قاۋىم مەن جاستار سايلاۋعا بەلسەنە قاتىساتىنىنا جانە ءسىزدىڭ كانديداتۋراڭىزعا داۋىس بەرەتىنىنە سەنىمدىمىز», – دەلىنگەن حاتتا. ق.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىنىڭ وقىتۋشىلار ۇجىمى پرەزيدەنت سايلاۋىن تاعايىنداۋ تۋرالى شەشىم مەملەكەت باسشىسىنىڭ دانالىعى مەن كورەگەندىگىنىڭ تاعى ءبىر ايعاعى, قازاقستان رەسپۋبليكاسى كونستيتۋتسياسى مەن دەموكراتيانىڭ نەگىزگى قاعيداتتارىن ساقتاۋدىڭ كەپىلى ەكەنىن ايتادى. «ءسىزدىڭ باسشىلىعىڭىزبەن قازاق حالقىنىڭ تاۋەلسىزدىك پەن قۋاتتى مەملەكەت قۇرۋ تۋرالى سان عاسىرلىق ارمانى ورىندالدى. ءسىزدىڭ ارقاڭىزدا قازاقستانعا بارشا الەم قۇرمەتپەن قارايدى. ءبىز تاتۋلىق پەن كەلىسىمدە, ەكونوميكالىق ءوسىم مەن ءال-اۋقاتىمىزدىڭ ۇدايى ارتۋى جاعدايىندا ءومىر ءسۇرىپ جاتىرمىز. سىزدەن كانديداتۋراڭىزدىڭ ەل پرەزيدەنتىنىڭ سايلاۋىنا ۇسىنىلۋىن سۇرايمىز. ءوز بولاشاعىمىزدى سىزبەن عانا بايلانىستىرامىز»,  دەپ جازادى اۆتورلار. سونىمەن قاتار, « ۇلىتاۋ» ۇلتتىق تاريحي-مادەني جانە تابيعي مۋزەي-قورىعىنىڭ  ەڭبەككەرلەرى  ەلىمىزدىڭ تاۋەلسىزدىگىن نىعايتۋعا قىزمەت ەتەتىن پرەزيدەنتتىك سايلاۋ وتكىزۋ تۋرالى شەشىمدى ءبىراۋىزدان  قولداعان. الماتى وبلىسىنان «احىسكا» تۇرىك ەتنو­مادەني بىرلەستىگىنىڭ مۇشەلەرى دە قازاق­ستان سەكىلدى ۇلكەن ەلدىڭ باسىندا نۇرسۇل­تان نازارباەۆتاي تۇلعا تۇرۋ كەرەك دەپ ساناي­تىندىقتان, ەلباسى پرەزيدەنتتىك سايلاۋعا قاتىسسا ەكەن دەگەن تىلەگىن جەتكىزگەن. «وزىڭىزبەن بىرگە بولساق, بىزگە ەشتەڭە قيىن ەمەس. كەز كەلگەن بيىكتى باعىندىرىپ, كەز كەلگەن داعدارىستى ەڭسەرەمىز جانە بۇرىنعىشا ەلىمىزدەگى تاتۋلىق پەن كەلىسىمدى كوزدىڭ قاراشىعىنداي ساقتايتىن بولامىز», – دەلىنگەن حاتتا. الماتى وبلىسىنان قاراساي اۋدانى ارداگەرلەر كەڭەسىنىڭ مۇشەلەرى قازاقستاننىڭ قالىپتاسۋى مەن دامۋىنا نۇرسۇلتان نازار­باەۆتىڭ قوسقان ولشەۋسىز ۇلەسىنە توقتالادى جانە سونىڭ ارقاسىندا ەلىمىز الەمنىڭ وزگە ەلدەرىنىڭ اراسىندا لايىقتى ورىندى يە­لەنگەنىن ايتادى. وسىعان بايلانىستى اۆتورلار مەملەكەت باسشىسىنىڭ الداعى پرەزيدەنتتىك سايلاۋعا قاتىسۋى ەلدىڭ بولاشاعى ءۇشىن قاجەت ەكەنىن اتاپ وتكەن. الماتى وبلىسىنان ۇلى وتان سوعىسىنىڭ ارداگەرى, ۇستاز ا.اسقاروۆ نۇرسۇلتان نازار­باەۆ­قا مەكتەپتە بيولوگيا پانىنەن ساباق بەر­گەنىن ماقتانىشپەن اتاپ وتكەن. «ءبىزدىڭ رەسپۋبليكا كوپتەگەن سىناقتاردى تابىستى ەڭسەردى, بۇكىل الەمگە تانىلدى. وسى­نىڭ ءبارى نۇرسۇلتان نازارباەۆتىڭ قاجىر­لى ەڭبەگىنىڭ جەمىسى. سوندىقتان مەن ونىڭ قا­زاقستان رەسپۋبليكاسى پرەزيدەنتىنىڭ سايلاۋىنا قاتىسقانىن قالايمىن», – دەپ جازادى اۆتور. قىزىلوردا وبلىسى قارماقشى اۋدانىنان حات جولداعان ۇلى وتان سوعىسىنىڭ ارداگەرى ش.بەكتىباەۆ وتان يگىلىگى جولىنداعى قاجىماس ەڭبەگى, حالىقارالىق ارەناداعى بيىك بەدەلى ارقاسىندا نۇرسۇلتان نازارباەۆ حالىق اراسىندا زور سەنىمگە يە ەكەنىن اتاپ وتكەن. وسىعان بايلانىستى اۆتور مەملەكەت باسشىسىنا الداعى پرەزيدەنتتىك سايلاۋعا قاتىسۋى تۋرالى ءوتىنىشىن جەتكىزىپ, جەڭىس تىلەيدى. زاپاستاعى پولكوۆنيك س.بەگىجانوۆ ءوز حاتىندا جالپىعا بىردەي داعدارىس جاعدايىندا سايلاۋ وتكىزۋ تۋرالى شەشىمنىڭ قابىلدانۋى الەمدىك اۋقىمداعى ساياساتكەردىڭ باتىل قادامى بولىپ سانالاتىنىن ايتادى. «ەل ازاماتتارىنىڭ ءسىزدىڭ كاندي­دا­تۋراڭىزدىڭ پرەزيدەنت سايلاۋىنا ۇسىنىلۋىن وتىنگەن حاتتارىن تولىقتاي قولداي وتىرىپ, وعان ءسىزدىڭ قاتىسۋىڭىز بەن بۇكىل حالىقتىڭ قولداۋى داعدارىسقا قارسى ماڭىزدى شارا جانە ەگەمەن قازاقستاننىڭ ىشكى ساياساتتاعى تۇراقتىلىعى, ۇدەمەلى دامۋى ءۇشىن قاجەتتى باستى شارت ەكەنىنە مەن ميلليونداعان وتانداستارىم سياقتى سەنىمدىمىن», – دەلىنگەن حاتتا. قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن  تاعايىنداۋعا بايلانىستى كەلىپ جاتقان حاتتار لەگى جالعاسۋدا.