استانا. 1 شىلدە. قىزىلوردا وبلىسى ارال اۋداندىق پروكۋراتۋراسى «جاۋقازىن» بالاباقشاسى مەملەكەتتىك كوممۋنالدىق قازىنالىق كاسىپورنى قىزمەتىندە بالالار مەن جاسوسپىرىمدەردى تاربيەلەۋ جانە ءبىلىم بەرۋ وبەكتىلەرىنە قويىلاتىن سانيتارلىق-ەپيدەميولوگيالىق تالاپتاردىڭ سايكەستىگىنە تەكسەرۋ جۇرگىزىپ, زاڭ بۇزۋشىلىقتارعا جول بەرىلگەنىن انىقتادى. بۇل تۋرالى قىزىلوردا وبلىستىق پروكۋراتۋرانىڭ ءباسپاسوز قىزمەتى حابارلادى.
اتاپ ايتقاندا, 2014 جىلدىڭ ناۋرىز ايىندا شىعارىلعان 2 قوراپ, 10 كگ. «حاملە» پەچەنەسىنىڭ بەلگىلەنگەن جارامدىلىق مەرزىمدەرىنە (قورابىندا ساقتاۋ مەرزىمى 1 جىل دەپ كورسەتىلسە دە ءونىم وسى ۋاقىتقا دەيىن ساقتالىپ تۇرعان) سايكەس كەلمەيتىندىگى انىقتالدى.
بۇل زاڭ بۇزۋشىلىقتار بويىنشا 2015 جىلدىڭ 7 مامىرىندا اۋداندىق پروكۋراتۋرا بالاباقشاعا ۇيعارىم تۇرىندەگى پروكۋرورلىق ىقپال ەتۋ اكتىسىن ەنگىزىپ, ساقتاۋ مەرزىمى وتكەن 2 قوراپ, 10 كگ «حاملە» پەچەنەسى جويىلدى. وسىلايشا, 280 جەتكىنشەكتىڭ كونستيتۋتسيالىق قۇقىقتارى قورعالدى.
ەلامان قوڭىر.
دەرەك: قىزىلوردا وبلىستىق پروكۋراتۋرانىڭ ءباسپاسوز قىزمەتى.
سۋرەت: otzovik.com.