سەنات توراعاسى قاسىم-جومارت توقاەۆ بۇۇ باس حاتشىسىنىڭ ارناۋلى ۋاكىلى, بۇۇ-نىڭ ورتالىق ازياداعى پرەۆەنتيۆتىك ديپلوماتيا جونىندەگى ايماقتىق ورتالىعىنىڭ باسشىسى پەتكو دراگانوۆتى قابىلدادى, دەپ حابارلادى پارلامەنت سەناتىنىڭ ءباسپاسوز قىزمەتى.
ول بولگار ديپلوماتىن جوعارى حالىقارالىق لاۋازىمعا تاعايىندالۋىمەن قۇتتىقتاپ, ورتالىق ازياداعى ميسسياسىنىڭ تابىستى بولۋىنا تىلەكتەستىگىن جەتكىزدى. قازاقستان ايماقتىق ورتالىقتى قۇرۋدىڭ باستاۋلارىندا تۇرعانىن اتاپ وتە كەلىپ, سەنات توراعاسى وسى قۇرىلىمنىڭ قىزمەتىنە پارلامەنتتىك ولشەمدى ەنگىزۋدى ۇسىندى.
بۇۇ باس حاتشىسىنىڭ ارناۋلى ۋاكىلى قازاقستان ايماقتىق تۇراقتىلىقتى قامتاماسىز ەتۋدىڭ ماڭىزدى فاكتورى رەتىندە كورىنىپ كەلە جاتقانىن, ورتالىق ازياداعى جاعدايعا وڭ اسەر ەتەتىنىن اتاپ ءوتتى. ول قازاقستاننىڭ دۇنيەجۇزىلىك ساۋدا ۇيىمىنا ەنۋى جونىندەگى كەلىسسوزدەردىڭ اياقتالعانىنا جىلى پىكىر ءبىلدىردى. پ.دراگانوۆ ايماقتىق ورتالىقتىڭ باسىمدىقتارى: سۋ رەسۋرستارىن باسقارۋ, ترانسۇلتتىق قاتەرلەرگە قارسى ءىس-قيمىل, ادام قۇقىقتارىن قورعاۋ جانە قاقتىعىستاردى بولدىرماۋ سالاسىنداعى الەۋەتتى نىعايتۋ جايىندا اڭگىمەلەدى.