قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ كۋبا رەسپۋبليكاسى سىرتقى ىستەر ءمينيسترىنىڭ ورىنباسارى روحەليو سيەررا دياستى قابىلدادى, دەپ حابارلادى سەناتتىڭ ءباسپاسوز قىزمەتى.
ق.توقاەۆتىڭ ايتۋىنشا, ءبىزدىڭ ەلىمىزدىڭ تاۋەلسىزدىگىن تانۋداعى الەمدەگى العاشقى ەلدەردىڭ ءبىرى بولعان كۋبانىڭ شەشىمىنە قازاقستاندا ريزاشىلىقپەن قارايدى. توراعا 1995 جىلى سىرتقى ىستەر ءمينيسترى رەتىندە گاۆاناعا ساپارىن جانە كوماندانتە فيدەل كاسترومەن كەزدەسۋىن جىلى شىرايمەن ەسكە الدى. ق.توقاەۆ ءوزارا ءتيىمدى ىنتىماقتاستىقتى كەڭەيتۋ ءۇشىن قازاقستان مەن كۋبا قاتىناستارىنىڭ بارلىق مۇمكىندىكتەرىن پايدالانۋ, ونىڭ ءىشىندە پارلامەنتارالىق بايلانىستاردى دامىتۋ, دەنساۋلىق ساقتاۋ, مادەنيەت, ءبىلىم بەرۋ, تۋريزم جانە اۋىل شارۋاشىلىعى سالالارى بويىنشا ىسكەرلەر اراسىنداعى بايلانىستاردى ۇدەتۋ قاجەت دەپ سانايدى. پارلامەنتتىڭ جوعارى پالاتاسىنىڭ باسشىسى كۋبالىق كومپانيالاردى استانادا وتەتىن ەكسپو-2017 كورمەسىنە قاتىسۋعا شاقىردى.
سەنات توراعاسى قازاقستان پرەزيدەنتى نۇرسۇلتان نازارباەۆتىڭ الداعى كۋباعا ساپارى ەكىجاقتى قاتىناستارداعى تاريحي وقيعاعا اينالىپ, وعان ەلەۋلى سەرپىن بەرەتىنىنە سەنىم ءبىلدىردى.