اتىراۋ. 30 ناۋرىز. اتىراۋ قالاسىندا رەتروساياباقتىڭ قۇرىلىسى باستالدى. بۇل تۋرالى egemen.kz ءتىلىشىسى حابارلادى.
جايىق وزەنىنىڭ جاعاسىنا تاياۋ اۋماقتان بوي كوتەرەتىن رەتروساياباق قۇرىلىسى اتىراۋ قالالىق اكىمدىگىنە قاراستى قۇرىلىس ءبولىمىنىڭ تاپسىرىسىمەن قولعا الىنۋدا. ونىڭ قۇرىلىسىن جۇرگىزەتىن مەردىگەرلىككە «الەم كونستراكشن گرۋپ» سەرىكتەستىگى تاڭدالىپ وتىر. بۇل جوبانى «تەڭىزشەۆرويل» بىرلەسكەن كاسىپورنى «يگىلىك» باعدارلاماسى اياسىندا قارجىلاندىرۋدى كوزدەپتى.
قازىر مەردىگەر كاسىپورىننىڭ 25 قۇرىلىسشىسى كافە مەن پاۆيلوننىڭ ىرگەتاسىن قالاۋدى باستادى. جوبا بويىنشا اۋماعى 3,5 گەكتاردى قۇرايتىن رەتروساياباق 2017 جىلدىڭ قاڭتارىندا پايدالانۋعا بەرىلەدى دەپ جوسپارلانۋدا.
جولداسبەك شوپەعۇل.
دەرەك, سۋرەت: egemen.kz.