استانا. 30 ناۋرىز. مەملەكەت باسشىسى نۇرسۇلتان نازارباەۆ يسلام كاريموۆكە وزبەكستان رەسپۋبليكاسىنىڭ پرەزيدەنتى لاۋازىمىنا قايتا سايلانۋىنا بايلانىستى قۇتتىقتاۋ جەدەلحاتىن جولدادى. بۇل تۋرالى اقوردانىڭ ءباسپاسوز قىزمەتىنە سىلتەمە جاساعان egemen.kz حابارلادى.
جەدەلحاتتا سايلاۋ ناتيجەلەرى يسلام كاريموۆتىڭ حالىق الدىنداعى بەدەلىنىڭ, ەلدىڭ الەۋمەتتىك-ەكونوميكالىق دامۋىنا جانە وزبەكستاننىڭ حالىقارالىق قاۋىمداستىقتاعى ابىرويىن نىعايتۋعا باعىتتالعان پاراساتتى ساياساتىنا كورسەتىلگەن كەڭ قولداۋدىڭ ايقىن دالەلى ەكەنى اتاپ وتىلگەن.
مەملەكەت باسشىسى سونداي-اق يسلام كاريموۆتىڭ باسشىلىعىمەن وزبەكستاننىڭ ودان ءارى گۇلدەنە بەرەتىنىنە سەنىم بىلدىرگەن.
«قازاقستان مەن وزبەكستان اراسىنداعى باۋىرلاس قارىم-قاتىناستار ستراتەگيالىق ىنتىماقتاستىق دەڭگەيىندە نىعايا تۇسەتىنىنە كامىل سەنەمىن», – دەلىنگەن جەدەلحاتتا.
سوڭىندا نۇرسۇلتان نازارباەۆ وزبەكستان پرەزيدەنتىنە زور دەنساۋلىق جانە جاۋاپتى قىزمەتىنە تابىس, ال باۋىرلاس وزبەك حالقىنا تاتۋلىق پەن باق-بەرەكە تىلەدى.
ساكەن مايلىباي.