استانا. 30 ناۋرىز. قىتايدىڭ شانحاي قالاسىندا 60 جاستاعى زەينەتكەر سيۋي چجيۋن شاعىن اۆتوموبيل جاساپ شىقتى. جاڭا كولىكتىڭ ۇزىندىعى 60 سم, بيىكتىگى 40 سم, ال ەنى 35 سم-ءدى قۇرايدى. بۇل تۋرالى news-asia.ru حابارلادى.
جاڭا تۋىندى كولىكتەن گورى دوڭگەلەگى, ءرۋلى جانە ەكى تەپكىشى بار قول ارباعا ۇقسايدى. سوعان قاراماستان, ونەرتاپقىش ءوزى جاساعان دۇنيەنى كادىمگى اۆتوموبيلدەن ەش كەم ەمەس دەپ وتىر.
«كولىكتە بۇرىلعان كەزدە بەلگى بەرەتىن جانە قاراڭعىدا جاعاتىن شامدار بار. بۇرىلىس شامدارى ءرۋلدى بۇرعان كەزدە اۆتوماتتى تۇردە قوسىلادى. باسقارۋ تەتىگى ارقىلى كولىكتى وت الدىرۋعا جانە كلاكسوندى قوسۋعا بولادى», – دەيدى سيۋي چجيۋن.
قىتاي ازاماتى شاعىن ءاۆتوموبيلدى جاساپ شىعۋ ءۇشىن ەكى جىل ۋاقىتىن سارپ ەتكەن. ال كەتكەن شىعىن بار بولعانى 250 اقش دوللارى عانا. قاجەتتى جابدىقتاردى اۆتوبولشەكتەر دۇكەنىنەن ساتىپ العان. كولىكپەن كۇنى بويى ءجۇرۋ ءۇشىن ءتورت-اق ليتر جانارماي قاجەت. الايدا, جىلدامدىق جاعىنان بۇل كولىك ەش ماقتانا المايدى. سەبەبى, ول ساعاتىنا تەك 20 كم عانا جۇرۋگە قاۋقارلى.
ايتسە دە جاڭا اۆتوموبيلگە قىزىعۋشىلىق بىلدىرۋشىلەر وتە كوپ. «كوشەدە كەتىپ بارا جاتسام, ءبارى توقتاتىپ, جۇرگىزىپ كورۋدى سۇرايدى. ءتىپتى ساتۋىمدى سۇراعاندار دا كەزدەستى», – دەيدى يدەيا اۆتورى. بىراق قىتايدىڭ زاڭى بويىنشا قولدان قۇراستىرىلعان مۇنداي كولىكتەرمەن اۆتوموبيل تاسجولدارىندا جۇرۋگە تىيىم سالىنعان.
ەلامان قوڭىر.
دەرەك: news-asia.ru.
سۋرەت: novosti-n.org.