اتىراۋ. 30 ناۋرىز. اتىراۋ وبلىسىنىڭ جۇرتشىلىعى «قازاقستان حالقى اسسامبلەياسى – 20 يگى ءىس» رەسپۋبليكالىق ەستافەتاسىنىڭ سيمۆولى «تايقازاندى» قوشەمەتپەن قارسى الىپ, كورشىلەس باتىس قازاقستان وبلىسىنىڭ دەلەگاتسياسىنا تابىستادى. بۇل تۋرالى ەgemen.kz ءتىلشىسى حابارلادى.
اتىراۋ وبلىسى اكىمىنىڭ ورىنباسارى شىڭعىس مۇقاننىڭ ايتۋىنشا, «تايقازان» بىرنەشە كۇن بويى جاڭا يگى ىستەرگە تولىقتى. وبلىستا 60-قا جۋىق قايىرىمدىلىق شاراسى ءوتىپ, شامامەن 7 ميلليون تەڭگە قاراجات جينالدى. ءسويتىپ, ۇلى وتان سوعىسىنىڭ ارداگەرلەرى مەن قازا تاپقانداردىڭ وتباسىلارىنا, از قامتىلعان جانە كوپ بالالى جانۇيالارعا الەۋمەتتىك كومەك بەرىلدى.
اتالعان شارا سەنبىدە قۇرمانعازى اتىنداعى مادەنيەت ۇيىندە «شەكسىز تالانت» قايىرىمدىلىق كونتسەرتىمەن جالعاسىن تاپتى. وعان وڭىردەگى ەتنومادەني بىرلەستىكتەردىڭ مۇشەلەرى, سونداي-اق, مۇمكىندىگى شەكتەۋلى بولسا دا ونەردى جانىنا سەرىك ەتكەن جاندار بەلسەنە اتسالىستى. مۇمكىندىگى شەكتەۋلى جاندارعا مۇنايشىلار اتىنان سىي-سياپات كورسەتىلدى.
«تايقازان» قازاقستانداعى تاتۋلىق پەن بىرلىكتىڭ, ىنتىماق پەن بەرەكەلى تىرلىكتىڭ ناسيحاتشىسىنا اينالدى» دەدى وبلىس اكىمىنىڭ ورىنباسارى شىڭعىس مۇقان.
جولداسبەك شوپەعۇل.
دەرەك: egemen.kz.
سۋرەت: راحىم قويلىباەۆ.