استانا. 29 ناۋرىز. ءمادريدتىڭ «رەال» كومانداسى جاستار قۇرامىنىڭ باس جاتتىقتىرۋشىسى, فرانتسيا قۇراماسىنىڭ بۇرىنعى فۋتبولشىسى زينەدين زيدان ەندى كارلو انچەلوتتي كەتكەننەن كەيىن ونىڭ ورنىن الىپ, نەگىزگى جاساقتى باسقارۋى مۇمكىن. بۇل تۋرالى Football Espana حابارلادى.
باسىلىمنىڭ جازۋىنشا, بىراق مۇنىڭ ناقتى قاشان جۇزەگە اساتىنى بەلگىسىز.
«اڭگىمە كانديداتتار تۋرالى بولىپ وتىرعان جوق, ول جالعىز. جوسپارعا سايكەس, ول زيدان بولۋعا ءتيىس. «قازىر ول ەكىنشى كوماندامەن جۇمىس جاساپ ءجۇر, - دەدى Sky Sports ەفيرىندە بەلگىلى جۋرناليست گرەم حانتەر. – جوسپاردىڭ ءوزى دە وسىندا. «رەالداعىلار» ونىڭ تاجىريبە الا تۇسكەنىن قالايدى. بۇعان زيداننىڭ ءوزى مۇددەلى عوي دەپ ويلايمىن».
انچەلوتتيدىڭ وسى جازدا «رەالدا» كەتە قالۋى قيىنداۋ. بىراق وسىلاي بولا قالسا, كلۋب ءزيزۋدىڭ كوماندات تىزگىنىن الاتىن شاعىن تاعى ءبىر جىل كۇتەدى».
ەسكە سالا كەتەيىك, زيدان 2013-2014 جىلدارى انچەلوتتيدىڭ كومەكشىسى بولعان ەدى. وسىدان كەيىن «رەال كاستيليانى» باسقارىپ كەتتى. زيداننىڭ كومانداسى قازىر سەگۋندانىڭ ۆ توبىندا ءتورتىنشى بولىپ كەلەدى.
بۇعان قوساتىنىمىز, زينەدين 2001-2006 جىلدارى «رەالدىڭ» جارتىلاي قورعانىس شەبىندە ويناپ ەدى.
دامير قوجامقۇل.