استانا. 29 ناۋرىز. اعىلشىن پرەمەر-ليگاسىنىڭ ماڭدايالدى فۋتبول كوماندالارى ميلليونداعان قارىزعا باتۋدا. بۇگىندە «مانچەستەر يۋنايتەدتىڭ» قارىزى 342 ميلليون فۋنت ستەرلينگكە جەتكەن. ال «ارسەنال» 241 ميلليون فۋنت ستەرلينگ قارىزدان قالاي قۇتىلارىن بىلمەي وتىر. بۇل تۋرالى sovsport.ru حابارلادى.
«ميۋ» وسىدان 10 جىل بۇرىن العان قوماقتى قارىزىنىڭ سەبەبىنە وسىنداي كەلەڭسىزدىككە تاپ بولدى. 2005 جىلى كلۋب قوجايىندارى اعايىندى گلەيزەرلەر كوماندانى ودان ءارى دامىتۋ ماقساتىندا قارىز العان. بىراق, ونىسىن دەر كەزىندە تولەي الماعان. ال «ارسەنال» جاڭا ستاديوننىڭ قۇرىلىسى ءۇشىن العان قارىزىن قايتارا الماي وتىر.
ايتا كەتەيىك, بۇعان دەيىن لوندوننىڭ «چەلسيى» دە قارىزدان قۇتىلۋدىڭ جولىن تابا الماي قينالىپ وتىرعانى بەلگىلى بولعان. بۇگىندە كلۋب قازىرگى قوجايىنى رومان ابراموۆيچكە 958 ميلليون فۋنت ستەرلينگ قارىز ەكەن.
ەلامان قوڭىر.
دەرەك: sovsport.ru.
سۋرەت: deliknews.com.