پەتروپاۆل. 29 ماۋسىم. سولتۇستىك قازاقستان وبلىسىنا قىتاي حالىق رەسپۋبليكاسىنىڭ دەلەگاتسياسى جۇمىس ساپارمەن كەلىپ, استىق ساتىپ الۋعا ۋاعدالاستى. بۇل تۋرالى وبلىستىق اكىمدىكتىڭ ءباسپاسوز قىزمەتى حابارلادى.
قۇرامىندا بورو-تالا-مونگول اۆتونوميالىق وبلىسى ساۋدا-ساتتىق قاتىناسى ءبولىمىنىڭ باسشىسى حاو كيندجي, «الاشانكوۋ» ەركىن ەكونوميكالىق ايماعىنا جاۋاپتى ۆانگ يونگ, «الاشانكوۋ اگروفۋد» كومپانياسىنىڭ وكىلى ۆانگ كسينچۋن بار دەلەگاتسيانى بورو-تالا –مونگول اۆتونوميالىق وبلىسى اكىمشىلىك باسشىسىنىڭ ورىنباسارى چەن حونگ باستاپ كەلدى.
رەسمي كەزدەسۋ بارىسىندا وبلىس اكىمى ەرىك سۇلتانوۆ مارتەبەلى قوناقتاردى ءوڭىردىڭ الەۋمەتتك-ەكونوميكالىق دامۋ كورسەتكىشتەرىمەن تانىستىردى. بيىل وبلىس پەن قىتاي اراسىنداعى ساۋدا اينالىمى 12,4 ميلليون اقش دوللارىن قۇراعان. بۇل – الىس جانە جاقىن مەملەكەتتەر ساۋدا اينالىمىنىڭ بەستەن ءبىرى دەگەن ءسوز.
«وبلىس ەكولوگيالىق جاعىنان تازا ونىمدەر شىعارادى. ءبىز سىزدەرگە مال شارۋاشىلىعىمەن اينالىسۋعا دا جان-جاقتى مۇمكىندىكتەر تۋدىرا الامىز», دەدى ەرىك حامزا ۇلى.
چەن حونگوز سوزىندە ۇزاق مەرزىمگە ارنالعان ەكونوميكالىق قارىم-قاتىناستار جاساۋعا مۇددەلى ەكەندىكتەرىن مالىمدەدى.
جىلى شىرايلى جۇزدەسۋدەن كەيىن ەكى تاراپا ستىق پەن اۋىل شارۋاشىلىعى تەحنيكالارىن جەتكىزۋ, تاۋار اينالىمىن كەڭەيتۋ تۋرالى مەموراندۋمعا قول قويدى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق اكىمدىگىنىڭ ءباسپاسوز قىزمەتى.