استانا. 28 ناۋرىز. ورالدا قالاسىنداعى لۋگاۆوي كوشەسىندە ورنالاسقان جەكە ۇيلەردىڭ بىرىنەن ءورت شىعىپ, سونىڭ سالدارىنان ءبىر ەر ادام قازا تاپتى. بۇل تۋرالى mgorod.kz حابارلايدى.
تاڭعى ساعات 8:00 شاماسىندا تۇتانعان ءورت ءۇيدىڭ ءبىر بولمەسىن شارپىعان. كۋاگەردىڭ ايتۋىنشا, اتالمىش ۇيدەن ءتۇتىننىڭ ءيىسى شىققان. بىراق ول ءۇي يەسى وت جاعىپ جاتقان بولار دەپ ويلاپتى. سەبەبى, قارا ءتۇتىن شاتىردىڭ ءدال توبەسىنەن بۋداقتاعان.
وقيعا ورىن العان جەردىڭ ماڭىندا ورنالاسقان دۇكەننىڭ يەسى 101 نومىرىنە حابارلاسىپ, ءورت سوندىرۋشىلەردى شاقىرعان. دەر كەزىندە جەتكەن ولار ءتىلسىز جاۋدى اۋىزدىقتاپ, ورتەنگەن بولمەدەن شامامەن 65 جاستاعى ەر ادامنىڭ ءمايىتىن تاپقان. ول ورتەنگەن ءۇيدىڭ يەسى ەكەن.
قازىرگى تاڭدا ءتيىستى ورىندار وقيعانىڭ شىعۋ سەبەپتەرىن اناىقتاۋدا.
تالعات رايىمبەك.
دەرەك, سۋرەت: mgorod.kz.