اقتاۋ. 28 ناۋرىز. ماڭعىستاۋ وبلىسى تۇپقاراعان اۋدانى تاۋشىق اۋىلىنان 15 شاقىرىم قاشىقتىقتان اۋىل مالشىلارى ادام دەنەسىنىڭ قالدىقتارىن تاپتى. بۇل تۋرالى lada.kz حابارلادى.
مۇردەنىڭ تەك قولى مەن اياعى عانا قالعان, ال دەنەسىن, باسىن بەلگىسىز اڭ-قۇستار جەپ تاستاعان. وقيعا ورنىنا كەلگەن قۇقىققورعاۋ ورگاندارىنىڭ شۇعىل-ىزدەستىرۋ توبى مۇردە قالدىقتارى جاتقان جەردەن 20-30 شاقىرىم قاشىقتىقتان ادام سۇيەكتەرى مەن كيىمدەرىن تاپقان.
پوليتسەيلەر مۇردەنى بۇدان ءبىراز ۋاقىت بۇرىن ۇيىنەن شىعىپ كەتىپ, حابار-وشارسىز جوعالىپ كەتكەن تۇپقاراعان اۋدانىنداعى باۋتينو اۋىلىنىڭ 50 جاستاعى تۇرعىنى دەپ وتىر جانە ونىڭ دەنەسىن تۋعان ءىنىسى دە تانىعان. ونىڭ ءولىمى تۋرالى ناقتى ۇيعارىم ازىرگە جوق, بىراق تۋىستارى وعان قاڭعىباس يتتەر شابۋىل جاساپ, ول ودان قورعانا الماعان دەگەندى ايتىپ وتىر.
گۇلايىم شىنتەمىرقىزى.
دەرەك, سۋرەت: lada.kz.