«ارلاندار» جارتىلاي فينالدا!

استانا. 28 ناۋرىز. بۇكىلالەمدىك بوكس سەرياسىندا «استانا ارلاندارى» 11-جەڭىستەرىنە قول جەتكىزدى. بۇگىن تاڭدا مايامي قالاسىندا وتكەن «اقش نوكاۋتشىلارىنا» قارسى كەزدەسۋدە «ارلاندار» 5:0 ەسەبىمەن باسىم ءتۇستى. بۇل تۋرالى egemen.kz حابارلادى.

«اقش نوكاۋتشىلارى» – «استانا ارلاندارى» 0:5

49 كگ: دجوشۋا فرانكو – تەمىرتاس ءجۇسىپوۆ 1:2 (48:47, 47:48, 47:48). 56 كگ: فرانتسيسكو مارتينەس – مەيىربولات تويىتوۆ 0:3 (46:49, 46:49, 46:49). 64 كگ: تايرەك يربي – سامات باشەنوۆ 1:2 (46:49, 49:46, 47:48). 75 كگ: كەلۆين حەندەرسون – مەيىرىم نۇرسۇلتانوۆ 0:3 (46:49, 47:48, 46:49). 91 كگ: ەدريان تەيلور – ۆاسيلي لەۆيت 0:3 (46:49, 46:49, 45:49). وسى جەڭىسىنەن كەيىن ءبىزدىڭ كوماندا 33 ۇپايعا يە بولدى. بۇل كورسەتكىش مەرزىمىنەن بۇرىن ءوز توبىمىزدا («ۆ») ءبىرىنشى ورىن الۋعا مۇمكىندىك بەردى. سەبەبى, توپتا وكشەمىزدى باسىپ كەلە جاتقان نەگىزگى قارسىلاسىمىز «باكۋ وتتارىنىڭ» ەنشىسىندە بۇگىندە 20 ۇپاي بار. ال ولار بۇل سىندا ءالى ءتورت كەزدەسۋ وتكىزەدى. سونىڭ بارلىعىندا جەڭىسكە جەتكەن كۇننىڭ وزىندە ەڭ كوبى 12 ۇپاي جينايتىنى بەلگىلى. ازەربايجاندار ەندى كوپ دەگەندە 32 ۇپاي عانا ولجالاي الادى. ياعني, قانداي جاعداي بولسىن ءبىزدىڭ بوكسشىلاردى باسىپ وزاتىن ەش مۇمكىندىكتەرى جوق. توپتاعى ءبىرىنشى ورىنمەن قاتار «استانا ارلاندارى» جارتىلاي فينالعا بەرىلەر جولدامانى دا يەمدەنگەنىن ايتا كەتەيىك. وعان دەيىن توپتىق كەزەڭدەگى ءۇش كەزدەسۋى بار. ناقتى ايتار بولساق, مارات جاكيەۆتىڭ شاكىرتتەرى 11, 18, 25 ءساۋىر كۇندەرى سايكەسىنشە, پۋەرتو-ريكو, ارگەنتينا جانە يتاليا كوماندالارىنا قارسى شارشى الاڭعا شىعادى. ەلامان قوڭىر. دەرەك: egemen.kz. سۋرەت: instagram.com.