ەلوردالىق باق پەن الەۋمەتتىك جەلىلەردە استانادا ەكىنشى حالىقارالىق اۋەجاي سالىناتىن اۋماقتىڭ ناقتى بەلگىلى بولعانى تۋرالى اقپارات تارادى. الايدا استانا قالاسى اكىمدىگىنىڭ رەسمي سايتى بۇل مالىمەتتىڭ شىندىققا جاناسپايتىنىن حابارلادى, دەپ جازادى Egemen.kz.
«مالىمەتتە كورسەتىلگەن «ەلوردادان سولتۇستىك-باتىس باعىتىندا - شورتاندى كەنتى باعىتىنا قاراي, استانا - كوكشەتاۋ تاسجولىنىڭ بويىنداعى اۋماق» استانا قالاسىنىڭ اكىمشىلىك شەكاراسىنا كىرمەيدى. وسىعان بايلانىستى اتالعان اۋماق ەكىنشى اۋەجايدىڭ ورنى رەتىندە استانانىڭ باس جوسپارىندا قاراستىرىلۋى مۇمكىن ەمەس.
بۇگىنگى كۇنى ەكىنشى اۋەجايدىڭ ناقتى ورنالاساتىن ورنى بويىنشا تۇپكىلىكتى شەشىم قابىلدانعان جوق. استانا قالاسىنىڭ باس جوسپارىنا تۇزەتۋلەر ەنگىزۋ اياسىندا تەك ىقتيمال پەرسپەكتيۆالىق باعىتتار عانا قاراستىرىلىپ جاتىر», دەلىنگە حابارلامادا.
قوسشى, قاراعاندى الدە پاۆلودار: استانانىڭ ەكىنشى اۋەجايى قاي باعىتتا سالىنۋى مۇمكىن؟
«2035 جىلعا دەيىنگى استانا قالاسىنىڭ باس جوسپارىنا وزگەرىستەر مەن تولىقتىرۋلار ەنگىزۋ» جوباسى الدىمەن قالالىق ءماسليحات دەپۋتاتتارىنىڭ تالقىلاۋىنان ءوتىپ, ماقۇلدانعاننان كەيىن عانا ۇكىمەتتىڭ كەلىسۋىنە جىبەرىلەدى.
استانادا 2035 جىلعا دەيىن ەكىنشى اۋەجاي سالىنادى
قالا بيلىگى باق وكىلدەرى مەن جەلى قولدانۋشىلارىن تەك رەسمي ءارى تەكسەرىلگەن مالىمەتتەرگە سەنۋگە شاقىرادى. بۇل ماسەلە بويىنشا ناقتى ءارى ناقتىلانعان اقپارات الۋ ءۇشىن «استانا قالاسىنىڭ ساۋلەت, قالا قۇرىلىسى جانە جەر قاتىناستارى باسقارماسى» مەملەكەتتىك مەكەمەسىنە رەسمي سۇرانىس جولداۋعا بولادى.