ساحارا شولىندە, نيگەردىڭ سولتۇستىگىندە كەم دەگەندە 49 ءادامدى شول قىسىپ قايتىس بولدى. ولار مىنگەن جۇك كولىگى ەڭ جاقىن ەلدى مەكەن مەن سۋ كوزىنەن ونداعان شاقىرىم جەردە بۇزىلىپ قالعان, دەپ حابارلايدى Egemen.kz.
قايعىلى جاعداي بولعان ايماق بيلىگىنىڭ مالىمدەۋىنشە, بۇل ادامدار مالي ەلىنەن مۇسىلمانداردىڭ قاسيەتتى قۇربان ايت (يد ال-ادحا) مەرەكەسىنەن قايتىپ كەلە جاتقان.
جولاۋشىلار تەلحاندەك تۇراعىنان شىققان, الايدا نيگەردىڭ اگادەز پروۆينتسياسى گۋبەرناتورىنىڭ ايتۋىنشا, ولار جولدان اداسىپ, نيگەر مەن الجير شەكاراسىنداعى اسساماكا وازيسىنەن 80 شاقىرىم جەردە تۇرىپ قالعان. بۇل ايماقتا ونداعان شاقىرىم بويى ەشقانداي ەلدى مەكەن جوق.
ميانمادا بولعان جارىلىستان كەمىندە 55 ادام قازا تاپتى
جۇرگىزۋشى مەن جولاۋشىلار جۇك كولىگىن ءوز كۇشتەرىمەن جوندەۋگە تىرىسقانىمەن, ودان ەشتەڭە شىقپاعان. جەرگىلىكتى بيلىك بۇل قايعىلى جاعداي تۋرالى اسساماكا وازيسىنە جاياۋ جەتكەن ەكى ادامنىڭ ارقاسىندا بىلگەن.
«سۋسىز قالعان جانە كولىكتى جوندەي الماعان ادامدار ءتىرى قالا المادى. قوزعالىسسىز تۇرعان جۇك كولىگىنىڭ استىنان جانە ونىڭ اينالاسىنان ونداعان ءمايىت تابىلدى», دەلىنگەن گۋبەرناتوردىڭ رەسمي مالىمدەمەسىندە.
تۇركيادا جولاۋشىلار اۆتوبۋسى ورتەنىپ, 8 ادام قازا تاپتى
قۇتقارۋشىلار قازا تاپقانداردى ورتاق قابىرگە جەرلەدى. قايتىس بولعانداردىڭ بارلىعى – نيگەر ازاماتتارى.
«جەرگىلىكتى بيلىك وكىلدەرى مەن قوعامدىق ۇيىمدار بۇعان دەيىن دە جۇرگىزۋشىلەر مەن ساياحاتشىلارعا ءشولدى كەسىپ ءوتۋدىڭ قاۋىپ-قاتەرلەرىن جىلداپ ءتۇسىندىرىپ كەلە جاتقانىن ايتادى. مۇنداي قايعىلى وقيعالار اسىرەسە ليۆيا نەمەسە الجيرگە اپاراتىن جولداردا ءجيى كەزدەسەدى», دەيدى جەرگىلىكتى قوعامدىق ۇيىم جەتەكشىسى شەحۋو ازيزۋ.