دەنساۋلىق ساقتاۋ مينيسترلىگى ەلدەگى ماۋسىمدىق اللەرگيانىڭ ەڭ كوپ تارالعان سەبەپتەرىنىڭ ءبىرى – جۋسان توزاڭىنا اللەرگيانى ەمدەۋگە ارنالعان وتاندىق پرەپاراتتى كلينيكالىق زەرتتەۋدىڭ ەكىنشى كەزەڭىن باستادى. وعان راستالعان دياگنوزى بار 138 پاتسيەنت قاتىسادى, دەپ جازادى Egemen.kz.
پرەپاراتتى قازاقستاندىق عالىمدار زاماناۋي رەكومبينانتتى اللەرگەن نەگىزىندە ازىرلەگەن. ول GMP حالىقارالىق ستاندارتتارى بويىنشا وتاندىق OtarBioPharm كاسىپورنىندا شىعارىلادى. جاڭا ءدارىنىڭ باستى ارتىقشىلىقتارىنىڭ ءبىرى – ەمدەۋ كۋرسىنىڭ قىسقا بولۋىندا. ەگەر ءداستۇرلى اللەرگەن-سپەتسيفيكالىق ەمدەۋگە ۇزاق ۋاقىت كەتەتىن بولسا, جاڭا پرەپارات ءبىر اپتانىڭ ىشىندە تەرى استىنا ءتورت ينەكتسيا جاساۋمەن عانا اياقتالادى.
بۇعان دەيىن ەرىكتىلەردىڭ قاتىسۋىمەن كلينيكالىق زەرتتەۋلەردىڭ ءبىرىنشى كەزەڭى ءوتتى. زەرتتەۋشىلەردىڭ ايتۋىنشا, جاڭا ءدارىنىڭ ايتارلىقتاي جاناما اسەرلەرى بولماعان جانە ناتيجەلەرى بويىنشا اللەرگەنگە سەزىمتالدىق كورسەتكىشى تومەندەگەنىن.
ەسكە سالا كەتەيىك, الماتىلىق دارىگەرلەر يتاليادان كەلگەن ءتۋريستىڭ ءومىرىن ساقتاپ قالدى.