تاياۋ شىعىستاعى جاعدايدىڭ ۋشىعۋى اياسىندا يراك ورمۇز بۇعازى ارقىلى مۇناي ەكسپورتىن شامامەن 9 ەسەگە قىسقارتتى, دەپ حابارلايدى Egemen.kz.
Reuters اگەنتتىگىنىڭ مالىمەتىنشە, ءساۋىر ايىندا بۇل باعىت بويىنشا جەتكىزىلىم كولەمى شامامەن 10 ميلليون باررەلدى قۇراعان. ال قاقتىعىس باستالعانعا دەيىن بۇل كورسەتكىش 90 ميلليون باررەلدەن اساتىن ەدى.
وسىعان قاراماستان, ەل مۇناي ءوندىرۋ قۋاتتىلىعىن كۇنىنە بەس ميلليون باررەلگە دەيىن ارتتىرۋدى جوسپارلاپ وتىر. باعدات بۇل ماقساتتاردى جۇزەگە اسىرۋ ءۇشىن وپەك جانە وپەك+ ۇيىمدارىمەن تىعىز جۇمىس ىستەمەك.
بۇعان دەيىن يراك بيلىگى اتالعان بىرلەستىكتەن شىعۋ ماسەلەسىن قاراستىرمايتىنىن جانە ونىڭ الەمدىك ەنەرگيا رەسۋرستارى باعاسىن تۇراقتاندىرۋ جونىندەگى كۇش-جىگەرىن تولىق قولدايتىنىن مالىمدەگەن بولاتىن.
ەسكە سالا كەتەيىك, يران ورمۇز بۇعازى ارقىلى قىتايدىڭ بىرقاتار كەمەلەرىنە وتۋگە رۇقسات بەردى.